كن همي سيل

السلام
عليكم ورحمة الله وبركاته
اسعد الله أيامكم بالمسرات جميعاً
أخواني وأخواتي الأعزاء
اصافحكم بالجديد هذه المتواضعه والمعبره عن مابطيَاتها
عسى ان تنال إعجابكم وأذواقكم الشعرية الراقية
وهذه القصيده تصميم و اداء و صوت الشاعر المبدع/ كاتب الفديمه

[poem=font="simplified arabic,6,black,bold,normal" bkcolor="transparent" bkimage="" border="outset,6,burlywood" type=2 line=0 align=center use=ex num="0,black""]
كن همي سيل متحدر وصدري وادي=آخذ(ن)لي مع متاهه كامل الحريه
كل ماقدمت رجلي في مسيري بادي=واستقرت ثابته والثانيه مثنيه
اتخيل بالرسوم المرمسات اجدادي=واستعيد الذاكره بجذورها المرميه
ادري ان السّم ضد السّم ماني غادي=والافاعي تختلف بالسّم داب وحيه
ما انحني لو طاح من ظهر البعير اشدادي=وانصدع راسي من الوقفه على رجليه
السؤال اللي جوابه كاتمه بفوادي=لين اشوف الذيب الأشهب ترضعه جنيه
ويش تعني شرهة البصره على بغدادي=يوم صار الراعي المخلص بدون ارعيه
ياهبيل القلب وش يعني لك المقعادي=وأنت طرقي بالطريق بساقت الطرقيه
ما اتفقنا ناخذ المقسوم من ماجادي=وأنت توّك مبتدي بأحلامك الورديه
كان مايربطك بأهل الخير ملح وزادي=والله انك تزرع الحسنه وتحصد سيه
اعتبر ثوب الحياه اللي عليك احدادي=واعتبر ماذكر في صفحاتها مرثيه
ما أنت لاقي لك صدى للصوت يوم اتنادي=موت لين انك تحصل بالسنه قفريه
الكلام اللي تقوله ماعليه اسنادي=مثل حلم إبليس بالجنه يبي حوريه
ويش ترجي من نفع ماضيك اخير البادي=انتها فصل الربيع وطارت القمريه
[/poem]

وسلامتكم من كل شر

ما انحني لو طاح من ظهر البعير شدادي ** و انصدع راسي من الوقفة على رجليه

عايض الرشيدي

صح لسانك و طاب وجدانك على هذه القصيدة الجزلة كما عودتنا دائما ،

تقبل مروري و أزكى تحياتي .

اقتباس:
المشاركة الأصلية كتبت بواسطة معيبد الرشيدي

ما انحني لو طاح من ظهر البعير شدادي ** و انصدع راسي من الوقفة على رجليه

عايض الرشيدي

صح لسانك و طاب وجدانك على هذه القصيدة الجزلة كما عودتنا دائما ،

تقبل مروري و أزكى تحياتي .

ياهلا ومليون غلا
يامعيبد
انرت متصفحي المتواضع بتواجدك هنا
صح بدنك وابعد الله الشر عنك
أشكرك جزيل الشكر على حضورك ويسعدني مرورك العطر
لا خلا ولا عدم
فائق الإحترام والتقدير
الله يحفظك ويرعاك

صح لسانك وقصيده جزله
لك خالص الشكر
تقبل ودي

اقتباس:
المشاركة الأصلية كتبت بواسطة ريماس الرشيدي
صح لسانك وقصيده جزله
لك خالص الشكر
تقبل ودي

ياهلا ومليون غلا
ياريماس
انرتي متصفحي المتواضع بتواجدك هنا
صح بدنك وابعد الله الشر عنك
أشكرك جزيل الشكر على حضورك ويسعدني مرورك العذب
لا خلا ولا عدم
فائق الإحترام والتقدير
الله يحفظك ويرعاك

الرائع/ عايض
صح لسانك واعتلا شانك
وتسلم يمناك ع هالبوح الرائع
ابدعت يعطيك العافية
ودام عطر حروفك

اقتباس:
المشاركة الأصلية كتبت بواسطة بـــدوي فااااهم
الرائع/ عايض
صح لسانك واعتلا شانك
وتسلم يمناك ع هالبوح الرائع
ابدعت يعطيك العافية
ودام عطر حروفك

ياهلا ومليون غلا
يابدوي فاهم
انرت متصفحي المتواضع الرائع تواجدك هنا
صح بدنك وابعد الله الشر عنك
ومن قال سالم
أشكرك جزيل الشكر على حضورك ويسعدني مرورك العطر
لا خلا ولا عدم
فائق الإحترام والتقدير
الله يحفظك ويرعاك