ماهي غزل والا مفارق مواليف .. رسالة لـ خادم الحرمين ..!

بسم الله الرحمن الرحيم

السلام عليكم ورحمة الله وبركاته

وأسعد الله
أوقاتكُم بالخير واليُمنِ والمسره

قصيدة
نظمتُها بِمُناسبة
مقدم
خادم الحرمين الشريفين
ونجاح رحلته العلاجيه في الخارج

وأعتذر
عن
التأخر في طرحها .. والإستعجال في نظمها

لا إطالة
إليكُم مانظمت ..

[poem=font="traditional arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ماهي غزل .. والا مفارق مواليف = والا جفولٍ .. غربلتني معاها
والا على المقفي .. دموع وتحاسيف= والا غرابيلٍ .. كفـى الله وذاهـا
ياهاجسي .. مالك ومال السواليف =سرح مغاتيرك .. وبَّين مداها
فتح .. صناديق الشعر والمظاريف = وأظهر .. هجوسٍ بيَّن الله خفاها
وانصا الذي .. ماطربقته الملاقيـف = ولد الرجال .. اللي تعز قصراهـا
شوق .. القلوب الطيبه والمراهيف = سم الكبود .. اللي تزايد غثاها
ذيبٍ .. تهادى منزله بالمشاريف = ذيبٍ .. ليا ناش الطريـده كلاهـا
له فزعةٍ .. عند أشتداد المواقيف =يطرب لها الساري .. ويرقب سناها
عبدالله .. اللي ماحسب للتكاليف = واللي .. نواوير الضماير سقاها
من عقبه .. الديره هبوب ومعاصيف = حتى .. بهيم الليل عقبه غشاها
ماعادلي .. فيها ربوع ومواليف = عندي .. تخالط صبحها مع دجاها
واليوم .. هلتله برأسي تواليف = وأزدانت .. العين الشقيه كراها
عل .. الليال المقبله والتصاريف = تروي لنا الجمه .. وترهي عشاها
ويعيذه الله .. بالليال الصواديف = شر .. الظروف القاسيه مع بلاها
وتم الكلام .. اللي بنيته على إيف = شطراً على أيفٍ .. وشطراً على اها


[/poem]


دمتم
بخيراً وعافيه

سقط سهواً
الرجاء
التفضل بنقلها لقسم الشعر الشعبي المختص بشعراء المُنتدى

ولكم
مني الثناء وتبعاته

صح لسانكـ ذيبااان
قصيده جزله وأبو متعب يستاااااهل

المشاركة الأصلية كتبت بواسطة الخيـــالــه

صح لسانكـ ذيبااان
قصيده جزله وأبو متعب يستاااااهل

الجمال
في مروورك اختي الكريمه
بوركتِ وعوفيتِ

ذيبان
صح السانك على هذا القصيدة الجزله
وابو متعب ستاهل

مشكوووووور والله يعطيك الف عافيه

ذيبان شاعر جزل اشكرك الابداع تعودنا منك الجزل
تحيتي حب الغموض