:: جنوب حائل ::

،،،،
،،،
،،
،


بعد حادثه الاسبوع الماضي اعتقد ان الحزن لا يزال مخيم على الكثيرواعلم ان الجرح لا يؤلم الا من به الم واعلم ان الحقائق كثير وان الشاعر بوح مجتمعه هذه قصيدة بوح وتعبير عما خفا في اعماق الجرح نقلتها من بين الحنايا الى اروقتكم اتمنى ان تلاقي رضاكم واستحسانكم .
[poem=font="simplified arabic,5,darkred,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

أربع عشر نفس (ن) قضت بأخر أسبوع = قبل وداع العام وأدعهن العام
وأنا من اللي صار ما زلت موجوع = وأحس بالآلام(ن) ولو مابي ألآلام
والقلب كنه من خفا الصدر منزوع = وقوس الضلوع الناحله روح أحطام
وكبدي لهدها هم والهم قاطوع = لوعة ولوعات الزمن مالها حسام
كني أبو وحده من الحزن مفجوع = في فقد بنت (ن) كلها آمال وأحلام
غضن الحشا في فقدها صار مقطوع = كن الحشا من عقبها لابس لثام
راحت ودمع العين بالعين مزروع = وليل المواجع طرف راعيه ما نام
راحت بذنب إنسان وكلّ بمشروع = أكل منه مليون والباقي أقسام
راحت بخط(ن) قبل لايسير مصدوع = ماهو على قد السوالف والأرقام
وراحت بذنب الجامعة مالها فروع = وجنوب حائل ما عرفنا لها نظام
أحيان مسموح (ن) وبأحيان ممنوع = حسب المصالح والمعارف والأقلام
تطلب طلب ويصير لك كم موضوع = ويقفل على الموضوع بالدرج بأحكام
وطلبك بالمظروف مقفل ومشموع = وأصدر عليه الأمر تنفيذ الإعدام
الين ما تصبح من الهم مليوع = حتى تشوف أسمك على صدر الإعلام
ومن بعد ما راحت زهور الحشا روع = هل كيف تبرى يا أهل الطب الأسقام
بس العزاء بالله والصوت مرفوع = لله ربي عالم (ن) غيب الأيام
أدعيه وأدري عنده الصوت مسموع = يجعل جنانه دارهم دار الإكرام
[/poem]

،،،،
،،،
،،
،
اخوكم - صالح سعود

صح لسانك و طاب وجدانك يا صالح ، أبيات رائعة و معبرة تشكر عليها .


تحياتي .

مشكوووووووووووووووووووووووووووووووريابوسعووود

راحــــت بــذنـــب إنــســـان وكـــــلّ بـمــشــروع

أكــــــل مـــنـــه مــلــيـــون والــبــاقـــي أقـــســــام

صح الله لسانك مليون ولايسدون ياابوسعود
الله يرحمهم ويسكنهم فسيح جناته

صح الله لسانك مليون ولايسدون ياابوسعود
الله يرحمهم ويسكنهم فسيح جناته

الله يرحم موتانى وموتى المسلمين , إنا لله وإنا إليه راجعون . صح لسانك صالح ومهما قيل من قصائد وأشعار , فالمصاب أبلغ من القول .

صح الله لسانك على هذه القصيده التي تدل على مشاعرك النبيله لاهنت
والله يرحمهم رحمة واسعه

انا لله وانا اليه راجعون