اشكي لكم بعد اللهـ معاناتي كطالبهـ جامعيهـ في "جامعة حائل"

بسم الله الرحمن الرحيم ،،

السلام عليكم ورحمة الله وبركاته ...

اسعد الله مساءكم وصباحكم بكل خير جميعا ،،


بصراحهـ موضوعي مجرد عرض لمعاناة الطالبات في جامعة حائل،،

انا كفتاه جامعيه درست وكملت مشوار دراستي واتمنى الدعم من كل الجهات ،،
لكن لما اجي وادخل جامعتي واشوف انواع المهزله والله انقهر بقوه،،


انا هنا حابه اعرض معاناتي لكم لااني بجد اعتبر هالمنتدى بيتي الثاني والكل هنا اخوان وخوات لي،،


اول شي نقولنا لجامعه تبعد زود 50 كيلو
والحمدلله تيسرت وكل يوم مرمطه طريق ،،بس متحملين ورااااضين


لكن للااسف والله هاللي نقولنا لها قمة المعانه ياناس،،


وصلتني صور ع الواتسب بجد هالصور اعرضت معاناتنا كطالبات بقوه ،،
سويت تعديل خفيف عليها وحابه اوريكم كل شي عندنا،،


/،




أول شيء مافيه مويا بعد الساعه 12
تخيلو يعني حتى لو نبي توضاء مافيه مويا يخلص كله،،
..والكافتريا مقفلهـ طيب اللي عندهم محاظرات الى الساعه 3<<الله يرحمهم،،


/،



كــرآآسي بدون مظلات..

ياناس وش يحسون فيه يبونا نجلس بالشمس بعز الظهر ،،


/،





جلسه ومشتل بدون شجر وبدون مظلات بعد<<يسمعوون بالمشاتــل
جد يعني ناقصين سمار نحنا يبون نسنتر بالشمس


/،





يابشر شوفوا المسافه اكثر من كيلو بين مبنى 7 و12
يعني اذا عندك محاظره في هالمبنى توصل عاض الارض..
وحاااله خاصه عاد اللي رايحه مبنى 4 ولا 2 تقرأ دعــاء السفر...

/،




والشــارع لاتعليييييق..!!!
احسن شي يخلونا نسوق والله هذا المفروض

/،





وهذي مظلتين وجودهن مثل عدمهن بالجامعه يعني ياناس تتوقعون يكفون 10 الاف طالبه ؟,....مستحيل ادري،،

/،




طبعاً هذي شجره ماينفع ظلها لقطو جد والله حاطينها بين المباني..
والحصى تقل جمر من حرارته ويقولون مششششتل امحق والله،،

/،



وهناااك شوفوا نروح للمباني والمكتبه<<معااااناة قسم تكسرت رجولنا ومتنا من المشي والشموس،،


/،





وهنا صــــدق لاتعلييييق!!!

/،




ياعالم ياناس شوفوا الدروج مكسسسره مافي درج سليم والله..
وين نحط الكتب والشنط والعبايات؟
تعب وحر وثقل بعد..جد شي مااحد يتحملهـ،،،

/،




وأخرتهــــا شووووووفوا قالو البس موحد يعني حتى على لبسنا يحاسبوننا،،
الالوان اسود وبني <<==صرنا عاجيز ياناس مو بنات جامعيات ،،




..........

والله، ماعرضت هالموضوع للضحك او للمسخرهـ لكن عرضت معاناتي كطالبه جامعيه دوامي يوميا من 8 الى الساعه 2 او الساعه 4 ,,

يعني كل اللي نبيه انه يوصل صوتنا لعميد الجامعه او احد المسئولين ،،

جد نحنا بنات ومو اي شي نتحمله يعني شمس وحر ومكيفات زفت وكافتيريا مسكره ومويا مافيه ..
بالله وش هالحياه

جهدنا وين يروح يعني جد ارهاق وتعب وربي مافينا شده حتى نفتح عيوننا من اللي نشوفه ،،

نحنا مانطالب بالكثير كل اللي نبيه اشياء محدوده كطالبات جامعيات لنا الحق فيها،،

نبي مضلات يركبونهن من شان نقدر نمشي تحتهن عن شمس القايله،،



ونبي كافتيريا تسكر الساعه 4 بانتهاء الدوام،،

ونبي دورات مياه فيها مويا مو فاضيه من الماء،،

ونبي دروج عدله نحط فيها عباياتنا وكتبنا وشناطنا،،


ونبي نعيش مثل العالم والناس ماطلبنا الكثير ،،


اعتذر على الاطاله يمكن اوجعت راسكم بموضوعي لكن جد موضوع يستحق الكلام عناه ،،

دمتم جميعا بااحسن حااال يارب ،،

اختكم:
"بنت رجال"

بصراحة معاناه

الله يعينكم عاد الجامعة على قولك جديدة
فالمفروض تكون مجهزة بشكل متكامل من جميع النواحي
سواءا التجهيزات الداخلية و الخارجية

اما المشتل اعجبني ظلال اشجاره حيل
احس ان الاشجار كبيره مرة <<<خخخخخخخخخخ

عموما

هذا حال اغلب المباني الحكومية رديئة البناء و غير مكتملت التجهيزات

يعطيك العافيه على الاهتمام والتوضيح وهذا من حق كل طالبه في هذا الوطن الغالي انشاء الله الوزاره مهتمه بهذه الامور تدريجيا حتى تصبح جاهزه ومتكامله

والان فيه مواقع وايميلات للمسؤلين بأمكان اي مواطن او مواطنه ترفع شكواها اومعاناتها


اشكرك بنت رجاااااال على الاهتمام والتوضيح ...

ابن مدعث /،

مشكور على وجودك اللي اسعدني،،
والشكوى لله، لازم نتحمل مابليد حيله ..

نورت خيو ربي يديمك باحسن حال دوم يارب

كل شي سلبي بصراحه
اما البس الموحد ايجابي فعلا وفعل خير
لان البنات كل وحده باديه تتبع الموضه وتلبس لبس
مايرضي الله ولا خلقه
الله يكون بعونكم ارسلي اصور ذي في منتدى الجامعه
كلهم موجودين ويشوفو
الله يعينتس انتي وخوياتك

الله يعين على اللي صاير لا كن بعد المسافه بين المباني اشوف
انها من صالح الطالبه السعوديه اقل شي تخفيف الوزن

المظلات المكشوفه >>>>>>>>>>>>>>>>>> >>>>> تصميم اوربي مثلاً

المسافات الطويلة بين المباني >>>>>>>>>>>>>>> القصد منها الاستمتاع بمشاتل الجامعة اليابسة

الادراج المكسرة <<<<<<<<<<<<<< هل هي دعوة للبنات في ابقاء عباياتهن في الباصات



انقطاع المااااااااااااااااااااااااااء اوحبس الماء بعد الساعة 12 >>>>>>>>>>> نسمية خوف من الفاتورة

المقصف او الكافتيريا >>>>>>>>>>> بعد 12 ليش سكر يغسلون الباصات مثلا

على العموم شيء مخزي وعار على التعليم العالي ان تسمى هذه جامعة وتنتمي لتلك الوزارة

اما مشكلة الماء فعلى ما سمعت انها لم تكن في كلية البنات فقط بل هي موجود في قسم الرجال



<<<<<<< عزيزي سعادة معالية اذا لم تكن قادر على توفير الماء وتوفير معطم للجامعة يجد فيه الطالب او الطالبه وجبة افطار متكاملة ووجبة غداء متكاملة
وهذه الوجبات مخفضة مثل بقية الجامعات الاخرى

فهذا ليس مكانك ابحث عن مكان آخر تجد فيه نفسك


بنت رجال <<<<<<<<<<<<<<<<<<< سلااااااااااااااااااام