حنيت لك يابوي.."الله يرحمك"

بسم الباري رب الكون وما فيه

بسم الله الرحمن الرحيم




تأمل المي..

تحسس وجعي..



وهذه رساله موجهه مني

لكل من يقراء كلماتي

ولديه "أب" يتنعم بوجوده معه بالحياة..

آآآآآآآه الحياة..

ومن مايعرف الحياة ومافيها من تغيرات بكل شي..

الله قدر عليامن سنه وفاة اقربهم لي

وهو الوالد الله يرحمه


المهم...

هو برحيله ترك فراغ كبير ماحد عقبه يمليه..

و انا له حنيت وقلت :


حنيت لك يابوي.. حنيت

حنيت لك يابوي وتمنيت..

تمنيت اضمك واشمك واللقاك بهالبيت..

البيت اللي عقبك مالقى من الناس من يعتني فيه..

يابوي..

يابوي والله قست بعدك كل القلوب ومنهم عانيت..

يابوي..

يابوي تيتمت عقبك ولا لغير الله شكيت..

يابوي..

يابوي لي قلب من الشوق لك يبكي ما حييت..

يابوي..

يابوي والله عقبك عرفت قيمتك وبك بكل احاسيسي حسيت..

تذكرتك لما كنت مني تزعل "عشاني" وانا احسبك عني تخليت..

تذكرتك لما كنت "تراضيني" ولا ارضى..

تذكرتك..وتذكرت كم لك عصيت..

يابوي تذكرت الخير اللي كان بوجودك وانا به ماحسيت..

يابوي والله اليوم حسيت به ذاك الخير وتذكرت اني عنه اقفيت..

يابوي..

يابوي ليت من يحيي العظام وهي رميم يحييك ثاني واشوفك

واقولك يابوي لك حنيت..

واقولك سامحني يابوي انا غلطان بحقك..

انا ندمان..

انا ماعادلي بعدك اصحاب يااحقهم بحسن صحبتي ..

تراني من بعدك توعيت ومتاخر صحيت..

وحسرتي يابوي تاكلني من يوم وفاتك..

وكل ماقست عليا الدنيا تذكرتك وبكيت..

واقولك مابقى بعدك جنب لين بعد اللي به انتخيت "الله"

واعتذر لك اني كنت اظنك قاسي..كنت اظنك اناني..

وكنت اظنك ماتعاني..

كنت وكنت وكنت..

لكن اللي تاكدت منه اني انا القاسي..

وانا الاناني وانا اللي ماكنت اعاني..

ماالومك بتدليلك لي من حبك وطيبة قلبك..

كانت قسوتك اللي اشوفها قسوه وتضييق..

كانت حب ماعرفته الا بعدك..

كان سؤالك الدايم عني بقولت وينك؟ وش تسوي؟ ليه ماجيت؟..

كانو اهتمام واليوم بس توعيت..

يابوي والله اني لك حنيت..

بيدي كسرت قلبي ومالقيت فيه غيرك اقوله حنيت..

الله يرحمك يابوي..

ليت لي طريق واجيك..

ليتني اقدر واراضيك..

لكن امره "سبحانه" قدر فرقاك ياشمعت ذاك البيت..

الله يرحمك يابوي....الله يرحمك..
الله يرحمك برحمتك لنا ياحبيبي..


اذا عجزت اناملك من كتابت تعليق..وعجز لسانك عن التعليق..
فلا اظن ان قلبك عاجز من دعوة بظهر الغيب لوالدي بالرحمه..
طلب ورجاء خاص ,,ابي كل من دخل الموضوع يقبل راس امه وابوه..

اللهم ارحمه رحمه واسعه وجمعكم في جنات الفردوس
الاعلى اللهم امييييييييييييين

.
.
كلمات لا تناجي الا ذالك الصميم الذي هو مركز
الاحساس والعاطفه كتبتي فاحسنتي فلم تتكلمي
الا عن معانات قلب جريح ينزف من فقدان غالي
وليس هذا الغالي بخليل لاوالله هو ذالك السند ذالك الاسد لأب نعم فمهما فعلنا لن نستطيع ان نوفيه حقه كامل
خااااااااااطره ابدااااااااااااااااااااع
اتمنى ان نرى جديدك ولا تحرمينا من نزف قلمك المميز

تحياتي حب الغموض

روح انســــــــــــــانه

يالبى قلبك الله يرحمه ويسكنه الفردوس الاعلى

ومرسي على الكلمات الحلوه اللي طالعه من القلب

مشكووووووره والله يعطيك الف عافيه

هذى الدنياا والله يرحم موتى المسلمين
والله يجعل قبره روضه من رياض الجنه

هذى الدنياا والله يرحم موتى المسلمين
والله يجعل قبره روضه من رياض الجنه
تسلمين على الكلمات للى نابعه من قلب الف شكر لج
والله يطول بعمر الوالده

اللهم ارحمه وجعل الجنه مسكنه

نورتوا صفحتي
بوجودكم واسعدتني
ردودكم