زبدة الهرج ؟؟؟

اببتدي وكتب من الشعر بيتين :::::::


بيتين يكفني عن الشعر كله


قل الكلام يبين اشين والزين :::::::


وكثر الكلام يعقد اللي يحله


للمرجله ناسٍ قويه وافين::::::::


وللي يبا درب الرجاله يدله




احدٍ كثير الكذب وضعيف فالدين::::::


قضى حياته بين سهرٍ وشله


واحدٍ لربعه ذيب ضد المعادين :::::


واحدٍ على ربعه فضيحه وذله


واحدٍ كريم ومدهلٍ لسلاطين :::::


ون غاب مفتوحٍ لربعه محله


واحدٍ تسوق لخوته فالملايين:::::::


وليا هرج من هرجته ماتمله


واحدٍ عزيز ولو طلب منك العين::::::


تفداه ويضا لعمر يفداه كله


واحدٍ مجرب بالزمن دمعة البين :::::::


وقاسى الهموم اللي مع الوقت جله


واحدٍ على اهله يلفت الجانب اشين:::::::


ولي ماهوب اهله يخضع ويذله


يالله ياللي تفرج العسر بالين ::::::::


انك تثبتني على خير مله


ياللي تعرف السر من بين الأثنين :::::


استغفرك يارب من كل زله


وختمه بسم اللي يذل الشياطين :::::


الواحد اللي كلنا تحت ظله

مع تحيات الشاعر :::::علي خلف الرشيدي

صح السانك بس فيها بعض

صح السانك بس فيها بعض

صح السانك وعلا قدرك وشأنك

تقول : بتكت بيتين ..
وهذا البيت عن قصيدة



للمرجله ناسٍ قويه وافين::::::::


وللي يبا درب الرجاله يدله

رغم أن القصيدة كلها رائعة ملئية بالتجارب والحكم وأصناف الناس

فشكرا من أعماق المتعمق على هذه القصيدة الجزلة من شاعر جزل

شكرا اخي المتعمق صحيح انك متعمق في الشعر وبيض الله وجهك على الردود الجميله
ولاكن ياخواني اللي في الردود الذي يلاحظ على القصيده يكتب لكي نتعلم منه العله يفيدنا
ولاكن الذي يكتب فيها بعض ايش هو بعض قلنا لعلانا نتعلم منك اخي
وشكرآ لكم

صح لسانك ويعطيك العافيه

صح لسانك ومشكور اخوي..