طاب القصيد وتاليات السواليف .. بمناسبة قدوم ولي العهد المُفدى { حفظه الله }

السلام عليكم ورحمة الله وبركاته

قصيدة
بمناسبة
قدوم
ولي العهد المفدى
الأمير
سلطان بن عبدالعزيز آل سعود { حفظه الله }
من
رحلته العلاجية في الخارج

وأحمد الله وحده ..
الذي نبتغي ..
جُلَ الخَيرِ مِن عِنده
بأن
أعادهُ لنا
سالماً ومُعافى

وأعتذر
عن الإستعجال بِطرحِها


هاض الضمير .. وراودته التواصيف = هاض وقلبها .. وأستباح الجزيله
شاش وتغرهد .. من ظلوعٍ مهاديف = وقَنّد من الفرحه .. بيوتٍ جليله
طاب القصيد .. وتاليات السواليف = وأستمطر الخفاق .. وأروى مسيله
رام وطلبها .. كالمهار المزاعيف = وسَبّقّ لها شعراً .. تجادى صهيله
من خافقاً .. ما سرهدته الطواريف = جّنبْ .. عن دروب الدنس والفشيله
وقنّد من أفكاره .. وساق المراديف = واللي سواته .. مايسوق الهزيله
ماهو على شوف .. البكار المشاعيف = ولاهو على شوفت .. طويل الجديله
قلبه عنا بالشعر .. ذيب المشاريف = سلطان .. كساب الثناء والجميله
شيخٍ بناء ذكره .. بليا تعاريف = شيخٍ ترد الذود .. لانباق خيله
له مجلسٍ .. ما دوروه الملاقيف = وله خافقاً .. جل العرب تشتكيله
وله بيرقاً .. عند أحتزام المواقيف = لاشبت النيره .. برأس الفتيله
ينطح ويجلي .. عجها والعواصيف = ويحوطها حوط .. المهار الأصيله
يدمح وذاها .. لو تجور الصواديف = واليا ارتكى .. شال الجبال الثقيله
عليه منه .. يا الرجال العواريف = سلام مبناه .. الوفاء والفضيله
وابيات شعراً .. من ضميره مجاريف = وان قدر الله .. تهتويه وتجيله
من شاعراً .. ساق الجزيله ولاشيف= واندب مراسيله .. وهاز الطويله

هذا
ودمتم بخيراً وعافية

صراحه قصيده رائعه وجميله ومعبره
صح لسانك واعتلى شانك
والحمدلل على سلامة اميرنا

مودتي

ريميه

شاعرنا المبدع ذيبان

فهد ناوي المهيمزي

صح الله لسانك مليون ولايسدون

شاعرنا المتألق



بيض الله وجهك قصيدة رائعة في من يستحق حفظ الله أبو خالد من كل مكرووه

لك ارق تحيه

صح الله لسانك

ذيبان

على هذه القصيده

حفظه الله سمو ولي العهد

كن بخيرا

بدوي فااااهم

ذيبان

صح السااااانك والجزل عنوانك بيض الله وجهك يابوناوي

تقبل مروري وتحييييييياتي الحاره

اختي
ريميه
اشكر كلي هذا الشعور الجميل والنبيل
وصح الله ابدانك

دمتي
بحفظه ورعايته

صح لسانك واعتلى شانك
والحمدلل على سلامة اميرنا