 |
 |
|
|
||
 |
 |
|
|
|||||||
| ◄ المنتدى العــام ► المواضيع العامة والغير مصنفه |
 |
|
|
أدوات الموضوع | انواع عرض الموضوع |
|
|
09-Jan-2011, 10:54 PM
|
#1 | |
|
عضو متقدم
|
المجبوس الشهي الناااطع..وفوقه اللحم المحمر بالفرن..روووعه
المقادير والطريقة : لحم خروف تقطعينه حسب الحجم اللي تبينه وتغسلينه وتنقعينه بماي مدة ربع ساعه وتغسلينه ثاني مره لين تشوفين ماي الغسال نظف من الدم. وعقب تحطينه بجدر فيه ماي تقريبا يغطي اللحم يعني ثلاثة ارباع الجدر ونغليه يغلي ويفوح يعني عقب ربع ساعه لين تشوفين الرغوه والزباد طلع على وجه الجدر تشيلينه بملعقه كبيره ليما تحسين انه خف وانشال بعدين تضيفين بهاراتج العدله مسمار ودارسين ولومي اسود وكزبره وكمون وهيل حب..طبعا كل اللي ذكرناهم بهارات عدله يعني مو مطحونه  وعقب عشر دقايق تكونين مجهزتلج بصل حوالي 3بصلات وثوم حوالي 4 فصوص مقصصتهم ارباع البصل والثوم تحطينهم بالخلاط مع ملعقة اكل بهارات مشكله ونص ملعقة اكل كركم ونص ملعقة اكل كزبره مطحونه وربع ملعقة اكل لومي مطحون ونص ملعقة اكل هيل مطحون وهني عقب ماخلطناهم بالخلااط   ونضيفهم على جدرنا الي يطبخ على الناار وننحركهم ونوزعهم مع اللحم ونسكر على الجدر ونخليه يطبخ ليما نحس انا اللحم استوا عقب مانجيك عليه وطبعا ماننسا نملحه  ولا استوا اللحم طلعناه وفركناه بهالخلطه العجيبه المكونه من: قلاص من ماي اللحم+ اربع ملاعق معجون+ثلاث ملاعق اكل كاتشاب+نص ملعقة فلفل اسود+ نص ملعقة هيل مطحون+ ربع ملعقة لومي يابس+ ربع ملعقة دارسين مطحون+شوية زعفران+ملعقتين اكل زيت وهالخلطه اذا حبيتي تخففينها بالماي انتي ورغبتج وتصلح للحم وللدجاج . شكل الخلطه  اللحم عقب مافركناه  المهم عقب مانفرك اللحم عدل بالخلطه ندخلهم الفرن الي نكون شابينه من فوق وتحت وتخلين الصينيه بالرف الاوسط وتجيكين عليها ليما تسمعين صوت اللحم واهوا يتحمش واتشوفينه تغير لونه وتحمر من تحت تقلبينه عشان يتحمر على الوجه الثاني. اللحم بالفرن  ونرجع لجدرنا الي فيه مروق اللحم نكت العيش عليه الي مغسلينه ومنقعينه لمدة ساعه بماي دافي وطبعا الماي يكون مغطي وجه العيش بشويه. واول عشر دقايق تكون النار عاليه عليه وعقب تخففين النار حيل وتخلينه على نار هاديه واذا قدرتي تغمتين الجدر بفوطه ولا قصدير احسن واحسن وعقب مايتناشف العيش ترشين وجهه بماي ورد مقع فيه خيوط الزعفران وتجيبين اللحم اللي طلعناه من الفرن عقب ماتحمش وتحطينه بالجدر على الوجه وجنبه الحشو على صوووب وتخلينه حوالي خمس دقايق عشان العيش ياخذ ريحة ونكهة اللحم والحشو. طرقة الحشو: بصل تقصصينه وتحطينه بالمقلاة بدون اي دهن او ماي وتحركينه ليما تشوفينه قلب لونه للبني الفاتح وتبدين تبخين عليه ماي بايدج وتحركين وعقب تضيفين ملعقتين زيت وتحركين وتضيفين الكشمش الي منقعته بماي دافي وتحركينه مع البصل وتضيفين النخي الي فحناه أ وسلقناه بماي ليما صار طري وتقلبينه معاهم وتضيفين قفشة اكل هيل ونص قفشة اكل فلفل اسود وربع قفشة اكل لومي يابس مطحون وشوية ملح. وهذاا حشوناا  وعسااا مداخيله العاااافيه انشالله وياهلاا ومرحبااا تفضلوا بالجدر ينطر النجاااب          والدقووس الكويتي الاصلي  ان شاء الله يعجبك هالطبخ .gif "Oo5o.com (36)") يمي يمي .gif "Oo5o.com (1)") لذيييييييييييذ  يالله ياااا الشيخات كل وحده تدش المطبخ وتورينا شطارتها
|
|
 
|
|
09-Jan-2011, 11:04 PM
|
#2 | |
|
عضو مميز
|
رد: المجبوس الشهي الناااطع..وفوقه اللحم المحمر بالفرن..روووعه
الليل ماشاء الله عليك عرفت تختار ونتقي من الطبخات من جد حلووووووووووه مرررررره جوعتنا
مشكور يالغلا واتمنى لك التوفيق |
|
|
مآعاد بدرريٌ
قآلهآ « إحَسآاسّ فَنآنْ » وَ آليوَمَ أغنيَهآ..وبيً نبضً [ حآايرَ ] ،! إلىَ.. متىً..وَ أحلآمنآ مآلهآ / أوَطآإنً ..؟! وَ إلىَ متىَ ( نصبرَ) وً هـ/ آلوَقتً جآإيرً !
|
|
09-Jan-2011, 11:08 PM
|
#3 | |
|
التغطية الإعلامية
|
رد: المجبوس الشهي الناااطع..وفوقه اللحم المحمر بالفرن..روووعه
مشكور على الطرح المطبخي الرائع
|
|
|
|
|
13-Jan-2011, 04:59 PM
|
#4 | |
|
مشرف المنتدى الاسلامي
|
رد: المجبوس الشهي الناااطع..وفوقه اللحم المحمر بالفرن..روووعه
مشكور على الطرح المطبخي الرائع
|
|
|
?
|
|
10-Jan-2011, 01:33 AM
|
#5 | |
|
مراقبة عامة 
|
رد: المجبوس الشهي الناااطع..وفوقه اللحم المحمر بالفرن..روووعه
ههههههه
ولا يهمكـ يالليل إذا سويتـ ذي الطبخه بسدح لكـ الصورة اهنيه .gif "Oo5o.com (2)") |
|
|
|
11-Jan-2011, 01:46 AM
|
#6 | |
|
عضو متقدم
|
رد: المجبوس الشهي الناااطع..وفوقه اللحم المحمر بالفرن..روووعه
يسلمووووووو على المروور الرااائع ....
نويعم ......... ابشر بمن يسويه لك تدلل....... .gif "Oo5o.com (22)") علي .........شكرااا لحضورك... الخياله الشيخه عفيه عليج اي هذي البنات والا بلاااش.... .gif "Oo5o.com (32)") .... اسدحي الصور بسرعه.gif "Oo5o.com (29)") |
|
|
|
.gif "Oo5o.com (4)")
|
| مواقع النشر (المفضلة) |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
(عرض الجميع )
الأعضاء الذين قرأوا الموضوع هم : 14
|
|
| , , , , , , , , , , , , , |
العرض المتطور
|
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| دبل روووعه للعروس | الخيـــالــه | ◄ المنتدى العــام ► | 3 | 03-Jun-2011 03:12 PM |
| الدجاج الماليزي الشهي | بنت ابوي | ◄ المنتدى العــام ► | 5 | 17-May-2011 04:39 PM |
| أعلان تاسيس حزب المافريك المدمر | خاتم الرشيدي | ◄ منتدى المحاورة ► | 32 | 29-Apr-2011 07:50 PM |
| الزهد في الدنياااااا | الخيـــالــه | ◄ المنتدى الإسلامي ► | 11 | 03-Dec-2010 05:58 PM |
| الليل الليل واللعب مفتوح للجميع | علي الغازي | ◄ منتدى المحاورة ► | 9 | 25-Sep-2010 09:57 PM |
الساعة الآن 07:16 PM