جمرة النار ( خاص ) ..

السلام عليكم ورحمة الله وبركاته

أخواني أغضاء منتديات قبيلة المهامزه الكرام
مشاركه اولى وهي بطلب من الاخ / عوده المهيمزي
الذي أكن له كل التقدير ..

[poem=font="traditional arabic,6,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

كان القراده منهجٍ للمقاريد = اهل العباطه ماتحلي عبطها
وهذا الزمن ياكثر من جابوا العيد = ناسٍ جهلها تثبته في غلطها
ارداهم اللي بالرخى مثل ابو زيد = وان مرته عوج السوالف لقطها
واطيبهم ان جت للفشق والبواريد = بعد ارتفاع المعنويه هبطها
أبنصحك يامردد الهرج ترديد = اسمع نصيحة منصحٍ لك صفطها
الخوف مثل القيد والمرجله حيد = لكن حلات المرجله في شططها
والخوف مافك الحباري من الصيد = مد اليمين لجمرة النار واطها
أما نجيت وفكك الله من القيد = ولأ يمينك في يسارك ربطها
أن مت قالوا موتته موتت شهيد = وأن عشت ربعك طيب فعلك بسطها
الرجل مايعرض سماه المناقيد = يدرى مشاريه الرجال وسخطها
والرجل لاجاء للسوالف مواعيد = أما سكت ولا علومه ظبطها
[/poem]

وسالمين

الله الله الله الله


يا ابو لميااء هذا الشعر والا فلا صح لسانك مدد بلا عدد

بصراحه اقف احتراما لهذا الابداع


مهل مرزوق الرويضي

اسم نقش في ذاكرة الشعر ليبقى


تثبيت مع تميز


تحياتي

أهلآ وسهلآ بالشاعر القدير مهل الرويضي

صح الله لسانك مليون ولايسدون على هذه القصيدة التي تعبر عن وقفة بطل وشجاع

سفير القبيلة شاعرها

والخوف مافك الحباري من الصيـد
مد اليميـن لجمـرة النـار واطهـا

بيض الله وجهك ولاهي غريبه على شرواك

لك ارق تحيه

مهل الرويضي

صح لسانك على هذه القصيدة الشامخة التي استمتعت بقرائتها و نطمع بالمزيد من الإبداع .

تقبل مروري .

أن مـــت قــالــوا مـوتـتــه مــوتــت شـهـيــدxوأن عشت ربعك طيب فعلك بسطها

بيض الله وجهك ياابا لمياء على تلبية الدعوه لحضورك بيننا وكذالك على تفضلك بأجابة مطلبي
واقول صح لسانك ما اجمل الشعر الصادق حين يتدفق روعه وشفافيه رائعه ومؤثره .
قصيده حمــلت الحكمه وحمــلت الرد القاسي جميـع الابداع والتميز وجدناه بهذه الجزله .
الشاعر مهــل لانستغرب عليك مثل هذه النصوص القويـه والجميله .
تقديري .

مهل الرويضي
صح السانك وبيض الله وجهك
قصيده راائعه كرووعة حضورك المميز
لله درك
تشرفنا بتواجدك بيننا
تقبل مرري البسيط
تقديري

مهل الرويضي
صح السانك وبيض الله وجهك
قصيده راائعه كرووعة حضورك المميز
لله درك
تشرفنا بتواجدك بيننا
تقبل مرري البسيط
تقديري