ياحبني لبدوي لو حاد عن طوره

السلام عليكم ورحمة الله وبركاته
أسعد الله أيامكم جميعاً بالمسرات
عدنا الكره مره ثانيه أنا وحبيب قلبي اللدود مايحتاج تعرفونه
وهذه المداعبتين وهن لاتقل جزالتهن عن السابقتين ههههههههه
واترككم مع هذه المداعبتين بعد القصيده الأولى قصيدة الشاعر الجزل الأخ العزيز/ سهل نافع

[poem=font="simplified arabic,6,black,bold,normal" bkcolor="transparent" bkimage="" border="outset,7,burlywood" type=2 line=0 align=center use=ex num="0,black""]
على مساعيك ياريتاج مشكوره = وكلي فخر في جميع اللي تسويني
كلن جهوده حسب جوده ومذخوره =وجهدك على مستوى كل الدواويني
بنت الرجاجيل مثلك مع هل الشوره = ويوخذ لها الراي ضمن المستشاريني
وانتي علي الطلاق انك على الصوره = اللي عليها يقيمون السلاطيني
وابليس مدحور لو إنه هبد زوره = لأعوانه الإنس وإلا من الشياطيني
عن نزغه السي ياريتاج مستوره= عليك بسم الاله من الثقيليني
وحنا لمثلك سياجٍ راسين سوره = ماهو معه شئ سور الهند والصيني
لأنى على الدين واحفادة وجمهوره = وذولاك كفار لامذهب ولاديني
عن نفسي اقول قولن ما أختلف شوره =مكان منزلك من خشمي الى عيني
ان كنتى انثى عليك البيض منشوره= وان كنت رجال عذرك مايكفيني
[/poem]

سهل نافع

[poem=font="simplified arabic,6,black,bold,normal" bkcolor="transparent" bkimage="" border="outset,7,burlywood" type=2 line=0 align=center use=ex num="0,black""]
سهل سبـح بالعميـق وهاجـة ابحـوره=الله مـن أمـواج ابــو سـامـي ينجيـنـي
هاضت شعوري بعد ماهاضت اشعوره=مـاكـنّـه إلا عــلــى الــدلــه يـنـاديـنـي
هـذا وانـا واقـعـي والنـفـس مـسـروره=اسمـع كــلام الحقيـقـه بيـنـك وبيـنـي
تستاهـل الـمـدح والتمجـيـد غـنـدوره=أم الحسب والنسب والمذهب الزيني
لـوأنـهــا بــنــت مـصـيـونـه ومـغـمـوره=تسوى من أشكال ابو عـارف ثمانينـي
[/poem]

بدوي فاهم

[poem=font="simplified arabic,6,black,bold,normal" bkcolor="transparent" bkimage="" border="outset,7,burlywood" type=2 line=0 align=center use=ex num="0,black""] ياهاجسي كان تصنيف الشعر ثوره=ماني بكذاب يوم أقول يعنيني
بالهون لين الجمل يبرك على زوره=لا تسابق الطير خفاق الجناحيني
وأقلط على الطيّبه لرضاك منحوره=الله يحييك وأنا الله يحييني
اخترت مايكفي الواجب بميسوره=راهي ولاطاح من يمناي سكيني
ياحبني لبدوي لو حاد عن طوره=وده يفخخ طريقي والعشم فيني
وافي وعذروبه التدريب بالدوره=يمشي إخلافي وأنا أحسبه يباريني
ماني با أبيح اسلحه بالحرب محظوره=اخاف ربي بما اسوي يقاضيني
مال الطباشير هذا الوقت سبوره=علمي بها في بداية عام الألفيني
صارت اسلوم العرب ذرات منثوره=ياكبر حزني ولا القا من يواسيني
شقيق نوره يغار اليوم من نوره=في عالم آخر وقف بين اتجاهيني
ايتابع اخبارها مع كل سنيوره=ويرصد حركاتها من وين لاويني
ويقلد إسلوبها قصه وتنوره=والنقطه اللي تجي بين الحجاجيني[/poem]

ابو عارف

سلام سلم على ابو عارف شاعر جزل صح لسانك وانشالله تستمر هذه الدعابات الخفيفه بين الجميع ويخلي الله لنا مشاكس اللي يشعللها

اقتباس:
المشاركة الأصلية كتبت بواسطة سمو الوفاء
سلام سلم على ابو عارف شاعر جزل صح لسانك وانشالله تستمر هذه الدعابات الخفيفه بين الجميع ويخلي الله لنا مشاكس اللي يشعللها

ياهلا وغلا

كثر مابين الأرض والسماء

ياسمو الوفاء

سلمت من كل شر

انرت متصفحي المتواضع بحضورك الراقي ويسعدني مرورك العطر

صح بندنك من كل شر

والأخ/ بدوي فاهم عزيز وغالي

تقبل فائق إحترامي وجل تقديري

الله يحفظك ويرعاك

صح السانك ابو عارف ولا يستغرب منك الجزل
انا اعتقد بدوي فاهم صغير سن ولا مايقول الكلام هذى
او نه نفسيه ومسكت عليك ههههههههههه

اقتباس:
المشاركة الأصلية كتبت بواسطة فهدبركه المهيمزي
صح السانك ابو عارف ولا يستغرب منك الجزل
انا اعتقد بدوي فاهم صغير سن ولا مايقول الكلام هذى
او نه نفسيه ومسكت عليك ههههههههههه

ياهلا وغلا
يافهد بركه
صح بندنك من كل شر
و هل أي إنسان قلبه طيّب لايحمل فيه أي ضغينه يعتبر جاهل أو فيه نفسية لا وألف لا أنا اعتبره إنسان يحب الغشمره ومافي قلبه على لسانه

والأخ/ بدوي فاهم عزيز وغالي

ويمون ويعجبني جداً بحركاته المميّزة واللتي لاتخرج عن حدود الأدب وإذا أنا أبي ازعل من كلام بدوي فاهم ويلحقني الشك بنفسي أكيد ان كلامه صحيح وأنا أكد كلام بدوي فاهم ان بعض الحريم مايسوّن80 رجال بس لا يسوّن 80 ألف من بعض الرجال بعدين يأخي بدوي فاهم ماقال تسو ا ابوعارف يقول تسوا من اشكال ابو عارف 80 طيّب إذا هؤلاء الاشكال مافيهم خير أنا وش دخلني فيهم أنا كما قال جحا ههههههههههههههههههههههههههه

تقبل فائق إحترامي وجل تقديري
الله يحفظك ويرعاك

الاستاذ القدير
عايض الرشيدي
صح السانك على هذه المداعبه الرائعه للشاعر بدوي فاهم

وبانتظااركم في مشاكسات قادمه <<<توم وجيري ههههههههههههه

تقديري

الله الله صح الله السنتكم جميعا
بكل امانه مثل هذه المداعبات التي تقرب الشعراء من بعض وهي نابغة من قلوب صافيه
وهذا ان دل انما يدل على المحبه والاحترام بينهما
بدوي فاهم صح الله لسانك مليون ولايسدون .....
الشاعر / عايض الرشيدي
صح الله لسانك .... على الرد الوافي ولايستغرب هذا الرد والأسلوب من شاعر بحجم الشاعر عايض الرشيدي
شاعر جزل متفرّد مفرداته والجزله ويمتلك الحنكه وصياغة البيت بكل شطاره وخبره
أقسم بالله انك شاعر عميق
بالهون لين الجمل يبرك على زوره=لا تسابق الطير خفاق الجناحيني
وأقلط على الطيّبه لرضاك منحوره=الله يحييك وأنا الله يحييني
اخترت مايكفي الواجب بميسوره=راهي ولاطاح من يمناي سكيني
كفو والله ياابو عارف
.................................................. .................................
مال الطباشير هذا الوقت سبوره=علمي بها في بداية عام الألفيني
بارك الله في الجميع