صــرخــاتــهـــن تـــــؤلـــــم اقـــــلـــــوب ٍ لــبــيـــبـــه

أتقدم بخالص العزاء والمواساه

لجميع أسر حادث براعم الوطن بجده

وشهيدات حادث جامعة حائل هذه الحوادث اللتي أبكتني

وأبكت الكثيرحسبنا الله ونعم الوكيل

والله يصبر الجميع ويرحم الأموات ويسكنهم
فسيح جناته أنه سميعٍ مجيب
إنا لله وإنا إليه راجهون

يالمسلمين شوفو الطريق الهالك المتهالك
بالله عليكم هذا طريق يمشا عليه مسافات طويله
أهمال بالتعليم وأهمال بالطرق
حسبي الله على من كان السبب

[poem=font="Simplified Arabic,6,black,bold,normal" bkcolor="transparent" bkimage="backgrounds/39.gif" border="double,6,black" type=2 line=0 align=center use=ex num="0,black""]

عروس الأحمر ..مع عروس الشمالي=صرخاتهـن تؤلـم اقلـوب ٍ لبيبـه
جده قبـل عـام ٍ دمرهـا الخيالـي=صـارت مبانيهـا بمـدرج شعيبـه
والجـرح الأول زاده الجـرح تالـي=والنار شبـت فـي طرفهـا لهيبـه
في مدرسه فيهـا البراعـم غوالـي=اطفال مثـل الـورد ينعشـك طيبـه
راحـو ضحايـا والخطـر مايزالـي=كلٍ فقـد شـوف الأبـن والحبيبـه
واليوم حايـل دمعهـا ..دم..سالـي=مصيبـة ٍ ياكبرهـا مـن مصيـبـه
حـادث تصادم..هـز كـل الجبالـي=من جامعـة حايـل قـوام الكتيبـه
بنـات حائـل فرقتـهـا الليـالـي=عـن جامعتهـا والمصيبـه رهيبـه
بناتـنـا ..فلذاتـنـا والعـيـالـي=راحـو ضحايـا بالأمـور الغريبـه
راحت بها الأرواح والمـوت شالـي=أرواح وودع داخـل القلـب ريـبـه
يـارب تـرحـم ياعزيزالجـلالـي=مـن مـات يـارب المـلا تعتنيبـه
وتصبـر اللـي فاقـد ٍ كـل غالـي=امــا حبـيـبٍ راح وإلاّ قريـبـه
وأسبابها معـروف عنـد الرجالـي=أهمـال والموضـوع نبغـا نجيبـه
نقل المدارس مع طريـق السهالـي=تحت جناح الليل مع صـوت ذيبـه
مع الفجر ومـع السهـر ومتوالـي=اروح طلعت شمس وارجـع مغيبـه
هم..وسهر..وغم..فـوق احتمالـي=والجامعـه ماهـي بحولـي قريبـه
وين الحلول؟؟وجاوبو عـن سوالـي=وان مالقيتـو حـل والله مصيـبـه

[/poem]