يا أهل الجيوب اللي تبون المعازيب ==ضيفوا هل الملوي كريمين الايمان

ابيات وردتني من الشاعر محمد معلث الرشيدي
وسوف يكون لي مجاراه لها بعد عيد الفطر المبارك ان شاءالله تعالي
=======================================

يا أهل الجيوب اللي تبون المعازيب ==ضيفوا هل الملوي كريمين الايمان

قـدامـكـم عـيـسى حـصان الاطاليب ==وكل الاخوان اللي له اسناد وعوان

خـلـوه بـالـيسرى قـريب المحاظيب ==لاتـوقـفـون الا على روس وامتان

لاتـقـربـون مـولـعـيـن المـشـاهـيـب ==نسايت المعروف شينين الاضغان

فـوتـوا عـلـى ديـوان ستر الرعابيب ==اخـوان هدبا مقلطت قرح الضان

مـاتـسـمـعـون الا الهـلا وتـراحـيب ==مكرمين الضيـف لـو الزمان شان

مـزوديـن الهـيـل وسـط المـرابـيـب ==بـصناعت البغـداد ودلال رسـلان

فـنجـالهـم مـاعـذربـوه الشـواريـب ==يغدى ضرم راسآ من البعد عمسان

وقـدوعـهـم من غاليات المراطيب ==خضر النخيل اللي لهن وسط بستان

ماينشرا ماهن يجـيـهن من الشيب ==وهـبـه مـن الرحـمن عـلام ما كان

غـرايـسن بين الحـلى والمكاسيب ==عـسـى يـبادرهـن من الوسم هتان

سحـابـتن منها تـعـوم الاشاعـيب ==لين الزبد يطفح على روس الاغصان

يأخـذ ثمان وسبع مزنه مناصيب ==حـتــى الـنـبـات يـمـيـزونـه بالعــيان

الياكسى نـبـتـه وسـاع الاداعـيـب =والشعـب طالع بـه مـن انواع والوان

وشفت الزهربطروق سمرالاجاذيب=والطـيـر مـن حـولـه يـغـرد بـالحـان

بصـوتآ صـداه بعاليات اللحاطيب = بين السماء وألارض يكفخ وطـربان

والجوصافي والدبش عنك مايغيب= والقـاع مـن وبـل المـراهـيش ريان

هاذي وناسة خاطري يالاصاحيب= يالي لكم في سجـل الامـجـاد عنـوان

محفوظتن عن منهج الشـك وريب= ومعـطـره وردن وكـادي وريـحـان



------------------------------ ---------------------------------

صح السان الشاعر محمد بن معلث
وهل الملوى ونعم الرجال يابو سلطان انت وخوانك وبيض الله وجيهكم
قـدامـكـم عـيـسى حـصان الاطاليب ==وكل الاخوان اللي له اسناد وعوان

خـلـوه بـالـيسرى قـريب المحاظيب ==لاتـوقـفـون الا على روس وامتان

اقتباس:
المشاركة الأصلية كتبت بواسطة لافي بداي


صح السان الشاعر محمد بن معلث
وهل الملوى ونعم الرجال يابو سلطان انت وخوانك وبيض الله وجيهكم
قـدامـكـم عـيـسى حـصان الاطاليب ==وكل الاخوان اللي له اسناد وعوان

خـلـوه بـالـيسرى قـريب المحاظيب ==لاتـوقـفـون الا على روس وامتان



لافي بداي

صحت ابدانك وسلم بنانك
ولا عليك زود نعمت احوالك
اسعدني مرورك العطر
لاعدمناك ولا عدمنا تواجدك
تحييييياتي لك

صح الله لسانه وليس مستغرب الكرم على اهل الملوي

صح الله لسانه وليس مستغرب الكرم على اهل الملوي

اقتباس:
المشاركة الأصلية كتبت بواسطة سيف المهيمزي
صح الله لسانه وليس مستغرب الكرم على اهل الملوي


سيف المهيمزي

صحت ابدانك وسلم بنانك
لاعدمناك ولا عدمنا تواجدك

تحييييييياتي لك

صح الله لسان الشاعر محمد معلث على هالقصيده الوافيه
ونعم فيك يامحمد والنعم بابو سلطان ويستاهل كل علماً
غانم والموعد انشاء الله بعد العيد يابو سلطان والله اني
مشتاق لجديدك بارك الله فيك ورحم والديك