اعتزي بالمستحيل

السلام
عليكم ورحمة الله وبركاته
أسعد الله اوقاتكم بالمسرات
يسعدني ويشرفني أن أكون أحد منتسبي هذا الصرح الشامخ بمشموخ القائمين عليه من إدارة وأعضاء وها أنا بين أهلي وربعي وعزوتي أتمنى إن أفيد وأستفيد وأكون عند حسن الظن إن شاء الله تعالى
وأهديكم هذه المصافحه المتواضعه وهي من الجديد تقبلوها كما هي عسى ان تنال إعجابكم

[poem=font="Simplified Arabic,6,black,bold,normal" bkcolor="transparent" bkimage="" border="outset,6,burlywood" type=2 line=0 align=center use=ex num="0,black""]

يوم كلً عارضً له طيف في مرقاده=أتحرى من رفيق السؤ يلوي ردني

طالبك عفوّك وسترك يامجير اعباده=لاإله إلا أنت من فضلك وعلمك زدني

وأكفني من حضرة الشيطان والحساده=ياكريم الوجه من ثوب الردى جردني

من سلب مال اليتامى ينقصه مازاده=مادرى عن ويش حكمه لين يومه يدني

ومن هجا الأجواد ظلم مورثه لأحفاده=يا الله أنك تحرمه من ريح جنة عدني

أنت ياللي تحسد الطرقي على مقعاده=مابقى الأ تقول ياوجه القشر ساعدني

الحقيقه واضحه وأنا كلامي ساده=كل خلق الله تشيل اذنوب لاتقصدني

البعير ليا تثنى ويش أبي بشداده=ياوسيع العرف لاتبخل عليه فدني

ماتبي هذا السؤال وكثروا النشاده=قدر معنى الصمت قبل أنشدك لاتنشدني

لاتفاخر بالكلام اللي ضعيف أسناده=كان ماصدرتني من خير لا توردني

مابقى للعيد الأول غير ثوب أحداده=ويش تبغى بالعزاء بالمقبله عايدني

أعتزي بالمستحيل المنتهي با أسياده=ياصلاح الدين بعد المعركه جندني

كلهم شعار ابو سلسال وأم اقلاده=بس منهو منهم اللي بالخطأ ينقدني

يازماني ماش من ريش النعام اوساده=دام أنا قبطان من موج البحر وسدني

أبا أوآصل سير نبراس الزمن وأمجاده=ماقضيت اسنين عمري في مدينة سدني

ولا دعاني يوم طوني في حفل ميلاده=كل هذا لا يشرفني ولا يسعدني

ابدوي يقدح من الصّوان نار ازناده=مات جده ماتسدح بالقرى والمدني

[/poem]

وسلامتكم

أخوكم

عايض المهيمزي

عايض المهيمزي صح لسااااانك على هذه الرائعة


أبا أوآصل سير نبراس الزمن وأمجاده
ماقضيت اسنين عمري في مدينة سدني


وسدني ترد الروح وانا ماجيتها هههههههههههه الله لايهينك

المشاركة الأصلية كتبت بواسطة خبير المنتديات

عايض المهيمزي صح لسااااانك على هذه الرائعة


أبا أوآصل سير نبراس الزمن وأمجاده
ماقضيت اسنين عمري في مدينة سدني


وسدني ترد الروح وانا ماجيتها هههههههههههه الله لايهينك

ياهلا و مرحبا بك
ياخبير
نورت متصفحي المتواضع بتواجدك هنا
صح بدنك
أشكرك على حضورك ويسعدني مرورك العطر
والروح مايردها الأ خالقها من ماءً مهين
فائق الإحترام والتقدير
الله يحفظك من كل شر
أخوك

الشاعر/ عايض الرشيدي
صح لسانك وبيض الله وجهك على هذي القصيدة جزلة من شاعر جزل وكل حرف منها يعادل قصيدة كاملة
وتقبل فائق تحياتي

تسلم على القصيدة وننتظر جديدك

المشاركة الأصلية كتبت بواسطة الكنق العربي

تسلم على القصيدة وننتظر جديدك

الكنق
ياهلا و مرحبا بك
نورت متصفحي المتواضع بتواجدك هنا
ومن قال يسلم
شرفني حضورك واسعدني مرورك العطر
فائق الإحترام والتقدير
الله يحفظك من كل شر
أخوك

ياكريم الوجة من ثوب الردى جردني

من سلب مال اليتاما ينقصه مازاده

عايض المهيمزي
حياك الله شرفت المنتدى اخوي واسعدنا تواجدك
صح السانك قصيده جميله وتحمل الابداع فيها من الحكم والموعضه
هنا الابداع والتميز الله لايهينك ولا يحرمن من جديدك

تحياتي لك