رسالة إلى الرائد جابر صالح المهيمزي

السلام عليكم ورحمة الله وبركاته

اخواني أعضاء وزوار منتديات قبيلة المهيمزات الرسمي

أقدم بين أياديكم هذه القصيدة إهداء إلى الرائد / جابر ابن صالح المهيمزي..

وإن شاء الله تنال على استحسانكم ..

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

ياسلام الله على راع الحميه=جابر اللي كل ربعه يمدحونه
جابر اللي مايتردى في خويه=بالوفاء والطيب كل ٍ يذكرونه
يابجاد أصرف لِبن صالح تحيه=استعد أمام شيخ ٍ تعرفونه
ضابط ٍ له هيبته قدم السريه=والأمر سامي والأمر تنفذونه
وسلم خطابي لبو كف ٍ نديه=من رجال ٍ ياصلون اللي يبونه
من مهامزتٍ عزايمها قويه=فعلهم كل القبايل يشهدونه
اهل الفزعات حاميت الرعيه=والعدو من فوق خده يلطمونه
نارهم يوم الحرايب نار حيه=كم عقيدٍ لاغزاهم يكسرونه
من سلايل عبس حامين الونيه=رمزها الكفه بوسمٍ ياسمونه
لابةٍ تفرق خوي ٍ من خويه=قالها الحربي ولاخابت ظنونه
بالرماح وبالسيوف الفيصليه=من تصيبه مات مابريت طعونه
وابن صالح يستحق الشاذليه=وعود ٍ أزرق يشرح الصدر بدخونه
امدح الطيب وله حق ٍ عليه=بالقصيد اللي يشوق في لحونه
مدحت الطيب تزيد المعنويه=ومدحت الخيب تجيب لك المهونه
مير جابر له مكان ومقدريه=الكرم والطيب ملفاه وزبونه
والسلام امع بركاته والتحيه=عد همال ٍ تنثر من مزونه

[/poem]

الشاعر / ناصر صويان الشويلعي

صح لسان شاعر الشوالعة ناصر بن صويان وجابر يستاهل المدح

اقتباس:
المشاركة الأصلية كتبت بواسطة جنرال المهامزة
صح لسان شاعر الشوالعة ناصر بن صويان وجابر يستاهل المدح


جنرال المهامزه صح بدنك وابو عبدالله مهماقلنا فيه الكثير لم نوفيه حقه
فاهو رجل علمه غانم وسمعته ترفع الراس
ودمتم بخير

صح السانك ناصر ويستاهل جابر
وبدوي زاحف يقول والنعم فيكم كلكم

الشاعر ناصر صويان صح السانك ويستاهل ابو عبدالله المدح وهو من يستحق المدح والطيب

شاعر ناصر صويان صح السانك وعتلاشانك والممدوح يستاهل

صح لسانكـ ويعطيكـ العافية على الابداع ياناصر ويستاهل ابو عبدالله كل خير .