كب الدلال وصك بابك عن الجار_+_+_وغير مسماتك وخل العشيرهـ

صار الوطن غربه وصار السفر دار
لويـــــن مدري لكـــــــن لي ديره

من عاش وقته مايحسب للأشــــوار
يضيع مايدري توالـــــــــي مصيره


للنفـــس حــــد ولـــو تعـــــدته تنهار
ماعاد تفــــرق بين خيـــــرن وخيره

بعض العرب في جوفها علوم وأسرار
والله هـــــو اللــي عالم(ن) بالسريره

كم واحد(ن)يشرب قراطيع ألامرار
ولـــكـــن صابه مثـــل حب الشعيره

وكم واحد(ن)لو صابه أدنات ماصار
خلــــى الصغيره فــــي عيونه كبيره

اذا معك دينـــار قــــــــــدرك بدينار
مع أحترامــــي للــــــوجيه السفيره

كب الدلال وصـــك بابك عن الجار
وغير مسمــــاتك وخـــــل العشيره

تلقى مـــع العالــــم معـــزه وتعبار
الطيب تال الوقت أصبــــــح معيره

ماعاد بها الوقت حشيمــــه وتعبار
لو انك أنت شيخ فخــــــذك وأميره

المال يغسل من مـــــــلا وجهه العار
والفقر ذل أهل السيــــــوف الشطيره

يحقر اللي ماعلـــــى ساســـــه غبار
ويعـــز من شان النفــــــوس الفقيره

الفقر قصر مــــــن طويلين الأعمار
والمال طول فالأعمـــــار القصيره

هذا الصحيـــح ولو تجيبون الأعــذار
عذر أنسحــــاب القوم عقب الكسيره

الميت له دعوهـ وللكســــــــــر جبار
والهــــــرج ماسر الجروح الخطيره

اللي مشى في عـــــــزة النفس مابار
واللي يذل النفس بايــــــــــع ضميره

قدامنـــا جنـــــه وقــدامنـــــــــــا نار
واللي بغينــــاه الهــــــدى والستــيره

انتقاء رائع سلمان البلقان

ربي يعافيك

اقتباس:
المشاركة الأصلية كتبت بواسطة عـيـون الـمـهـا
انتقاء رائع سلمان البلقان

ربي يعافيك



اسعدني مرورك اللطيف
يسلمووووووووا

طرح جدااا مميز يعطيك العافيـه

اقتباس:
المشاركة الأصلية كتبت بواسطة ابعاد حلم
طرح جدااا مميز يعطيك العافيـه


شكراُ على هذا الأطرااااء


تحيااااااااااااتي لك

سلمان

عجبني كثيرا ماطرحته علينا


قصيده فيها الكثير من الابيات الجميله

اقتباس:
المشاركة الأصلية كتبت بواسطة ابوعلي المهيمزي
سلمان

عجبني كثيرا ماطرحته علينا


قصيده فيها الكثير من الابيات الجميله



مشكوووووووووووووره لمرورك العذب