المجلس اللي مايقدرك راعيهٌٌ### خلك عزيز النفس مالك وماله

قصيده اعبجتني ونقلتها لكم

المجلس اللي مايقدرك راعيه ** خلك عزيز النفس مالك وماله

لاصار ماحطت لجنبك مراكيه ** تلقى من خيار المجالس بداله

مغنيك ربك عن قهوته وشاهيه ** دام المعزب مايسرك قباله

دور على مجلس(ن) لاجيت ناصيه ** حصلت خمسه من شروط الرجاله

تقدير في قلبه وترحيب يبديه ** عقل(ن) وادب ومبهراتن دلاه

مجلس رجال العرف كل الفخر فيه ** عنه الرخوم يقدمون استقاله

بعض المجالس محكم العقل توذيه ** يلقى بها شخص(ن) كثير(ن)جداله

يفضح لسانه مايكنه بخافيه ** زود(ن) على جهله سريع انفعاله

في رايه ان العلم عنده وحاويه ** لوكان غرق في محيط الجهاله

وفي رايه ان الناس لازم تباريه ** ولوفيه فرصه كان كبه ضلاله

شخصاً بليا دين لاتعتزي فيه ** واسمع كلام مجرب الوقت قاله

كتاب حالات الرياجيل قاريه ** وحصل بها اكثر من ثلاثين حاله

وصور بعضها ماتطرق لباقيه ** ولو يشرح الحالات طول مجاله




للشاعر فهد بن هجاج البشري الحربي

منقوله

شخصاً بليا دين لاتعتزي فيه ** واسمع كلام مجرب الوقت قاله

أبصم بالعشره على هذا الأمر خالد المهيمزي أشكرك من كل قلبي وبارك الله فيك على تميزك في المنتدى. وصح لسان الحربي على هذه القصيده التي بها من العبره والحكم الشيء الكثير

صح لسانك وصح لسااااااااان شاعرها مودتي

قصيده رائعه اشكر الشاعر والناقل

خالد المهيمزي

مشكووور ع النقل القصيده الشامخه

صح السان الشاعر وسلمت يمين الناقل

صح لسان شاعرها

ولا هنت على النقل الجميل بارك الله فيك ولاهنت

المجلس اللي مايقدرك راعيه ** خلك عزيز النفس مالك وماله

لاصار ماحطت لجنبك مراكيه ** تلقى من خيار المجالس بداله



رااااائعه هي الكلمات والمعاني اللي تضمنها القصيده ....


وكذالك الحكم التي ملأتها جدااااً رااااائعه....


تسلم اخوي على حسن الانتقاء ....لك شكري وتقبل مروري....