مرات اضمك واخاف اني مشبه عليك

كيف أطفي الريح بثيابك و كيف اشعلك
كيف اتنثر على جمرك و كيف احتويك
نقضت ليل الحرير و جيت ما انت لهلك
سمّيت باللي فتني بك و قلت ابتديك
هذا اول الدرب او هذا الطريق اولك
جيت آتوقّا عذابات المدى و اهتديك
شوقي مسافة و همساتك مدار و فلك
ان ماظميتك غلى يا علني ما ارتويك
إية اعرفك و اعرف اني من غلاك اجهلك
مرات اضمّك و اخاف اني مشبة عليك
مرات اشوفك بنفس الوقت و اتخيلك
و انشد كفوفي عن اخر سالفة من يديك
أعنّ لك لو تصّب الموت و اتهيّلك
و اجوع لك و آتمنى خنجرك و اشتهيك
ما قلت لك عمر سيف العشق ما يقتلك
ما تشوفني حي قدامك و انا اموت فيك
اشتقت لك قبل اجيك و جيت و اشتقت لك
البارحة طول ليلي بين هذي و ذيك
مليت جمر انتظارك و استحيت أسألك
و احسبتني ما بعد جيتك و فكرت اجيك
اثرك بقلبي من البارح و انا استعجلك
و اثري نسيتك من الفرحة و قمت احتريك
-------------------------------------------------
مساعد الرشيدي
تحياتي

صح السان الشاعر مساعد الرشيدي

قصيده جزله وراقيه بالاحاسيس المرهفه

اندل الاختيار انما يدل على التميز وفن الذوق

صح السان الشاعر مساعد
وشكر لك اخي ع النقل