عمر الهوى ماينقص من الرجوله

السلام عليكم
أتشرف بوجودي بينكم
وهذه أول مشاركه
وبتعجبكم إن شاء الله

للبوح لجروح المحبين للشوق
......................للناس لأحساس ٍ تعذر وصوله
غنيتها تايق وضايق ومخنوق
......................والنفس من شوف الأوادم جفوله
ما أبغى من الدنيا سوا سيدة ذوق
......................النادرة بنت السحاب الخجوله
اللي عليها قلب عبدالله فتوق
......................اللي دموعي في وداعه عجوله
وأردها عزه وتسجن على الموق
......................حرام حتى الدمع غاضت سيوله
أعيش حلم ٍ جعلني منه ما أفوق
......................عايش لحالي فيه دور البطوله
ما أحدٍ درى عني ولا حس مخلوق
......................باللي أحسه بس ما أقدر أقوله
أنا أدري اني فيه خاسر و مسروق
......................قلب ٍ وربي غيرها مايطوله
قلبٍ وضوحه غيم وأشواقه بروق
......................وقصايده فيك المطر في هطوله
لايابعد قلب ٍ يحسك له عروق
......................لايابعد روحٍ ملكت بسهوله
قولوا لها واللي رفع قدرها فوق
......................وبنا لها بين المعاليق دوله
أني معاها صدق عاقل ومطفوق
......................مجنون صاحي يلمح الموت حوله
وأنا أشهد أن الشوق هو سبة العوق
......................وأنا مابينت إلك شوقي وهوله
شوقي لك أكبر من هل النوق للنوق
......................وأصدق من الضحكه بوجه الطفوله
ياصغير أنا لنفسي على نفسي حقوق
......................وأبسط حقوقي ضحكتي ومحيوله
رجال وأعاني من الود محروق
......................وعمر الهوى ماينقص من الرجوله

وسلامتكم

ي سلام والله

عبدالله عواد صح لسانك مليووووون ولا يسدوووون

ابداع لا يضاهي في ابداع

لله درك


تثبيت وتميز



تحياتي لك

اقتباس:
المشاركة الأصلية كتبت بواسطة ابن مدعث
ي سلام والله

عبدالله عواد صح لسانك مليووووون ولا يسدوووون

ابداع لا يضاهي في ابداع

لله درك


تثبيت وتميز



تحياتي لك






الله يسلمك وصح بدنك يامحمد وشكرا على التثبيت ومروك يكفي

حياك الله عبدالله بيننا وصح الله السانك على القصيده الجزله

حياك الله عبدالله بيننا وصح الله السانك على القصيده الجزله

اقتباس:
المشاركة الأصلية كتبت بواسطة البحرالهادي
حياك الله عبدالله بيننا وصح الله السانك على القصيده الجزله




صح بدنك ولاهنت يالبحر أسعدني مرورك

.

هذآ كل مايحتآجه الحب ..وفآء لو جآرت الدنيآ ..
لله درك عبدالله على هآلقصيده اللي تحمل بدآخلهآ روح شآعر لازال بقمة إخلآصه ..
صح لسآنك مليووون ..
دمت لغاليك وبإحسن حآل يآرب ،،،