قصص نكت قصايد فرفشه

وتكتب العنوان عندك قصه من خيالك او نكته اوسالفه حلوه تعال
حطها هنا

شيءٌ رائع أن تفتح مدونة في القُصص .,
وتستاهل التثبيت
وسوف أكونُ متابعا لكـ ,.
مسيرهـ موفقة

اخي اسير الشوق
ان شاء الله
راح اكون قد هذي
المدونه
باذن الله
وراح
تنور المدونه بجودك اخوي

السلام عليكم ورحمة الله وبركاته
اول قصه في المدونه وان شاء الله راح تعجبكم

كان يامكان في قديم الزمان في حارة القديمه
وكان في الحارة هذي البيت المهجوور
ومره من المرات كنت انا جالس قريب من عند البيت
المهجور طفشان الحاره ماكان فيها احد من الشباب
وكنت انا جالس الساعه 3 باليل عاد انتم تدرون
اخر الليل مافي احد يجلس في الشارع
وكانت الحاره هدوووء والله وانا جالس كنت اشرب
بيبسي شويه كذا واسمع هذاك الصوت الصراخ مخيف
جدا جدا دجدا عاد انت جلدي كش ووحسيت زي البرد جاني من الخوف عاد انت قلت وش الصوت هذا
ليكون في احد في البيت المهجور صار فيه شي
عاد انا ماني داري وش السوي مافي غير انا الي جالس برا وبس انا الي سمع هذا الصوت قلت والله حاله الروح اشوف وش السالفه ولا مااروح قلت والله وشويه كذا ورجع الصراخ لكن هذي المره صوت بنت صغيره
عاد انا لمن سمعت صوت البنت الصغيره قلت
يمكن البنت مخطوفه اودخلة صدفه البيت المهجور
والله وانا الروح البيت المهجور وقلبي يدق بسرعه من الخوف عاد تدرون البيت المهجور مافيه نور ظلمه مره
والله وانا الدخل البيت المهجور لمن دخلت البيت المهجور ماشوف شي غير اسمع الصراخ وامشي وراه
المهم كل مااقرب من الصوت يبعد كل مااقرب الصوت
يبعد قلت هذي البنت وش فيها كل ماجي قريب منها تشرد
المهم عاد البيت ثلاث الدوار والله وانا امشي ورا الصوت كان في الدرو الاول شويه كذا اسمع الصوت في
الدور الثاني وانا اطير من الخوف قلت يمه هذا الصوت متى طلع فوق بسرعه هذي وانا جلس افكر كيف طلع الصوت فوق وانا كنت امشي وراه قلت اقول اطلع من البيت احسن ليه ولا اكمل ورا الصوت محتار
وخايف والله حاله والمشكله ان البيت المهجور
ظلمه وانا مامعي نووور والله وجتني فكره قلت انا ابي
اطلع من البيت المهجور الروح اجيب الكشاف عشان النور على الصوت والله وطلع اجيب الكشاف بسرعه
وارجع بسرعه ودخل البيت المهجور واول مادخلت اسمع الصوت وامشي وراه واشغل الكشاف ورا الصوت
ولمن جيت قريب من الصوت طلع الدور الثاني لمن اطلع الدور الثاني يرجع الصوت الي الدور الاول
طلت والله هذا الصوت دوخني وش الحل فيه
عاد انا قلت والله ابي اجري ورا الصوت
ماني ماشي شوي شوي ابي اخربها واجي وراه
والله وانا اسمع الصوت وانا اجري وراه
بسرعه واسمع الصوت تغير مو مثل الصوت الاول
شويه كذا وانا اسمع صوت احد طاح من الدرج
وانا الرجع الدور الثاني وطالع على االدرج حق الدور
الثاني واشوف واحد جالس يتكرفس ويتكرفس وانا جالس
الطالع واقول وش هذا الي جالس يتكرفس قدامي هوه انسان ولا حيوان والله يوف نزل الي الدور الاول وانا النور عليه الكشاف ولا هذا منصور ولد جرانا هههههههه
قلت منصور وش عندك اخر الليل في البيت المهجور
قالي سمعت صوت بنت صغيره تبكي ويوم جيت عند الصوت وشفته ولا هذيك العيون الحمراء الي تخوف
قلت وش قصدك يعني تبي تخوفني قال لا والله ماتشوفني تو متكرفس من فوق الدرج قلت الى شفتك
قال يعني الي يشوفني يقول اني جالس اخوفك عاد قلت له انا لاوالله الي يشوفك يقول انت كان شي يطرد وراك او
انك شفت شي مو زين قال اجل وش تنتظر مشينا لا يجي راعي الصوت ابو عيون حمراء قلت مشينا يالله
يوم جينا عند الباب انا ومنصور ولد جيرنا ونطلع بسرعه
ولا هذاك الصوت الي يقول وين بدري ماتونسنا معاك تو الناس وطلع في منصور ومنصور يطالع فيه
وكل واحد يشمر ثوبه وانا اقول لمنصور اي خدمه
ومنصور يقولي سلامتك وانا احط رجلي على البيت
ومنصور يحط رجله على بيتهم

واليوم الثاني اطلع من البيت العصر ولا هذا منصور
عاد انا اقوله منصور انت كيف دخلت البيت المهجور
قالي والله مادري كيف دخلته وهو يسالني محمد انت كيف
دخلت قلت والله انا سمعت الصوت قلت يمكن في احد يبي فزعه او احد مخطوف وجلس يضحك منصور قلت له وش فيك تضحك قال والله نفس الشي الي خلاني ادخل البيت المهجووور ههههههههههه

وتوتا توتا انتهت القصه
تحياتي لكم

الله يعطيك العافيه علي هالقصه الحلوه
بس ثاني مره من خيالك لاتخش البيوت في هالاوقات خله العصر علشان تكون شووووي حوالي الحقيقه والا في أخر الليل تخوووف
في أنتضار مايكتبه قلمك
تقبل مروووري

رائع جدا وبتوفيق لك
وتقبل خالص تحياتي

الله يعطيك العافيه علي هالقصه الحلوه