قيادة المراءه والعفرتيه

>>>>> وجهة نظر <<<<<



الهانم إللي ساقت السيارة
يا هي ( خفيفة عقل ) يا (عياره)

يا ليتها يوم أمسكت طارتها
يوم استوت.. نامت عليها الطاره

الحين ما فيها هياط وكشخه
فكي العباه .. وشيلي النظارة

يالله تعالي طلعي العفريته
وحطي (السبير) وشغلي ألإشارة

وشدي الصواميل وعليك القوه
الصقر ذمه بـ رقبة صقاره

ولا تطلبين مساعده ومعونة
كلن على فاله يمد أشباره

الحين يمكن تفهمين الدعوة
وتعلمين اللي عطوك الشارة

ضيفك يا (ابو زعبل ) يا كيف علومه
كفاره.. يا ست الحسن.. كفاره

ماني بشامت غير فكر ألأخر
يبني لك أفكار ٍ تضد أفكاره

وما ودي أعطيكم حجم يا (ليبرل)
وإياك أعني وأسمعي يا جاره

لوي الذراع وفرض أمر الواقع
ذي حيلة ٍ ما هي ترد الغاره

بناتنا بـ عيوننا نحفظهم
مثل ألآلئ في وسط محاره

وعز الأصايل في حياة العفة
ماهيب (حكوه) في (شدق) ثرثاره

االسالفه ما هيبـ (خذني جيتك)
ولا هي بـ ضرب الطبل والزمّاره

حنا تحت حكم الشريعة نسمو
ونحارب الجهّال حاره.. حاره

الأمر يبغى له نقاش مطوّل
توضع له أرضيه قـُبيل أقراره

وجهة نظر أسوقها للعالم
والشاعر أقصى حيلته بأشعاره

أحيان ينهاني الشعر وأطيعه
وأحيان يكرمني الشعر في داره

والله يثبتني على تشريعه
وأعوذ به من حر صالي ناره
وسلامتكم
ابراهيم الشمراني

صح إلسان شاعرها
واسلمتـ إيدين ناقلها
وجهة نظر نحترمها

صح لسآن آلشآعر .. ولآ هآن آلنآقل ..

كلّ آلود

صح لسان الشاعر و سلمت يداك يا الراااشد على النقل .


تقبل مروري .

يا ليتها يوم أمسكت طارتها
يوم استوت.. نامت عليها الطاره


لاهنت عالنقل اخوي الراشد
بس ياريت الشاعر تجنب هالبيت لان فيه من الدعاء على المسلمات

شكراً الرااااااااااااااشد

موضوع جديد لشعراء

صح لسانك ومشكور اخوي وتحياتي للجميع وتقبل مروري...