اسمع كلامي

[مدخل..]

الناس تحسدني على الضحك لابان
وان ضقت محدن التفت لي وجاني.
تعال خذني من غرابيل الأحزان.
محدن فزع لي يوم حزني بلاني.

قد نحتاج ان نقف اكثر من وقفه..
وهنا احاسيسي وقفت متعجبه كثيراً.

هيا إليكم ..واعلمو انها كانت لغيركم ..



وش حيلة الي كنه بسجن مسجون
اقفى يشيل الجرح بيديه عاالي

بسلك طريقٍ بالغرابيل مشحون
وقبل الفراق وقبل شد الرحالي

طالعت خلفي انتظرهم يقولون
كلمة وداع تخفف الي جرالي

اهل القلوب القاسيه ما يحسون
وانا وقفت بوجه الأقدار خالي

وروحت اشيل الي جنيته من طعون
والله يصبرني ويرفق بحالي

كلن فرح في غيبتي كلن يخون
يا قل منهو بالشدايد صفالي

وإلا انت يالي صاحبك فيك مفتون
غيرك يجيني بس ماله مجالي

غلاك معميني عن الي يمرون
ما شوف غيرك لو من الزين نالي

هذا البلا لاصار ماهو عماء عيون
عماء القلوب الي بلاني وجالي

عطيتك الي قد تمنوه مليوووون
بس الغلا ما ينعطاء غير غالي

وانت اللذي بين الأضلاع مكنون
لو كنت اشوفك بعض الأحيان سالي

الي سمعته شي ماهو بمضمون
شيٍ رميته لجل يبقاء الوصالي

خابرك وافي مغرمٍ في مجنون
ولا يهزك هرج حتى خواااالي

اسمع كلامي واترك الي يقولون
تراك لا هالحين مازلت غاااالي

اهون علي اشوفك بقبر مدفون
ولا اشوفك مع حبيبٍ بداااااالي



بقلمي

دمتم....

[مخرج..]

اصغر همومي هرجت فلان وافلان
واكبر همومي حبك الي خذاني
هرج القفى ما ضيق الخلق لو شان
وإلا انت صدك لو دقايق نهاني

صح لسانك قصيده جزله من شاعر جزل
اخ عبدالله ابداع رايع وتميز قلمك بالحروف عن الغير

اقتباس:
المشاركة الأصلية كتبت بواسطة البحرالهادي
صح لسانك قصيده جزله من شاعر جزل
اخ عبدالله ابداع رايع وتميز قلمك بالحروف عن الغير



صح بدنك..شكراً للإطراى...+ورده

التمسك بالحب دليل العشق الصادق..
فكلمات المحب هي تعابير بداخله يخرجها لمن يستحقها..
وهنا خرجت كلماتك الى من احببت ولكنها لامست قلوبنا ..

عندما اقرا ابياتك اقف كالبلهاء حقا وأطيل النظر وانا اقول ..لا اصدق بإن هناك اشخاص يعيشون نفس اللحظات التي اعيشها.
فعلا اخوي عبدالله والله كلمانك واقع نعيشه ويشاركنا الاحساس نفسه..


كلنا نحب ولكن تفاصيلنا تختلف ولذالك فلنعلم ان قلوبنا بالحب تساوووت ..





قصيده مميزه وكلمات جد رائعه ..
مميز حقا اخي ...صح قلبك المتمسك بمن احب ..
دمت لغاليك شاعرنا وبأحسن حال يارب..

اقتباس:
المشاركة الأصلية كتبت بواسطة بنت رجال
التمسك بالحب دليل العشق الصادق..
فكلمات المحب هي تعابير بداخله يخرجها لمن يستحقها..
وهنا خرجت كلماتك الى من احببت ولكنها لامست قلوبنا ..

عندما اقرا ابياتك اقف كالبلهاء حقا وأطيل النظر وانا اقول ..لا اصدق بإن هناك اشخاص يعيشون نفس اللحظات التي اعيشها.
فعلا اخوي عبدالله والله كلمانك واقع نعيشه ويشاركنا الاحساس نفسه..


كلنا نحب ولكن تفاصيلنا تختلف ولذالك فلنعلم ان قلوبنا بالحب تساوووت ..





قصيده مميزه وكلمات جد رائعه ..
مميز حقا اخي ...صح قلبك المتمسك بمن احب ..
دمت لغاليك شاعرنا وبأحسن حال يارب..



صح بدنك..تعليق اكثر من رائع..إعجابك يسعدني ويشرفني..اقتبست اروع تعليق..شكراً لك..+ورده

عبدالله صح لساانك شاعر جزل وقصيده جزله

اقتباس:
المشاركة الأصلية كتبت بواسطة حجاج المهيمزي
عبدالله صح لساانك شاعر جزل وقصيده جزله


صح بدنك..+ورده