محبوبتي..ماهي من ..آدم..وحوّا..

محبوبتي ماهـي مـن آدم وحـوَّا

أحبتي في الله تستأذنكم هذه المتواضعه لدخول إلى ذائقة قلوبكم البيضاء
لعها تجد الأستقبال اللذي يليق بهذه المحبوبه طبعاً محبوبة الجميع
تحياتي وتقديري للجميع

[poem=font="simplified arabic,6,white,bold,normal" bkcolor="green" bkimage="" border="double,6,orange" type=2 line=0 align=center use=ex num="0,black""]

قالو تحب وقلت محبوبتـي غيـر=محبوبتي ماهـي مـن آدم وحـوَّا
يامفسرين اللغز ما يريـد تفسيـر=محبوبتي بالقلـب بالـروح جـوَّا
هي مملكتنا موطن الدين والخيـر=الله رفعهـا بالكـرامـه اعـلـوَّا
طيبه ومكه في بـلاد المشاهيـر=النـور منهـا والجمـال يتـروَّا
للعلم نـور وزادت العلـم تنويـر=منها بدا الديـن الحنيـف وتقـوَّا
يحبها الإنسـان ويحبهـا الطيـر=ويحبها الرَّعـاد مـع كـل نـوَّا
ما مثلها بالكـون ورد ونواويـر=اترابهـا عنبرومـسـكٍ مـسـوَّا
من راد آهانتها ترى راسه يطيـر=بالسيـف وإلا بالمشـوَّك يـكـوَّا
الحر مايحسب حساب العصافير=والـداب لمـن مـات قـام يتلـوَّا
اليا قطع راسه فلا يروح ويسير=السـم مـات بـراس دابٍ تطـوَّا
تطير في جسمه هبوب الاعاصير=مثل الرماد ان مات عنه الجـذوَّا
والمملكة فوق المـزون المزابيـر=رفرف علمها مـن قديـمٍ وتـوَّا
من دونها ملوكٍ تسوق الطوابيـر=فيهم على الدين المطهَّـر أحمـوَّا
أخوان نوره والسيـوف البواتيـر=الكل منهـم حـر ماهـوب بـوَّا
عصم الشوارب والرجال المناعير=اهل الكرم والطيب واهل المـروَّا
يالله تحفظهم مـن الشـر وتجيـر=ويصونها من كـل مكـرٍ وسـوَّا
قلته واعيد اقول محبوبتـي غيـر=محبوبتي ماهـي مـن آدم وحـوَّا
[/poem]

عبيدالله بن دعيع القلادي الرشيدي

صح السانك

صح السانك كليمات بقمة الروووعة

أبو طلال دائماً تبهرني بماتطرحه من جزل القصيد وجزالة الهدف

صح السانك وعلا شانك وحفظ الله محبوبتك وحكامها وبيض الله وجهك

على الابداع والتنويع الشعري الفذ

سجل اعجابي وتستاهل احلا تقييم وختم التميز

صح السانك كليمات بقمة الروووعة

صح السانوك عبيدالله دعيع وتستاهل التميز واحلى تقييم

أستاذنا القدير
المستشار عبيد الله القلادي
صح السانك وبيض الله وجهك
والله يحفظ لنا بلادنا ويحميهاا من كل شر
والله يديم الامن و يديم الامان و الله يطول عمر ابو متعب و يعز الحكومه الرشيده
اسمح لي اسجل اعجاابي بما خطته اناملك
من مشاعر وطنيه نفخر والله بها
لك كل التقدير والاحترام