بصدفه وانا ماشي (عبدالرحمن )

بصـدفه وانا ماشــي بدربــي ولاادري وين ** تجــاه المــدينه هاضــني درب مريتــه

وحســيت في دمعـن تناثر على الخــــــدين ** من اللي بوسط القلب ياسعود كــــنيتـه

جروحــن تلوف القلــــب تنزف لها عامين ** وزود بـــــلاها مفــرقــن يوم راعـيتـه

طريـقن هجــرته لجل ربعــن لنـــــا وافين ** على شان بعض النـــاس ياسعود كبيته

وروحت في دربي وانا مونســـن جرحين ** وشـــب الوله بالصـدر نارن وطفـــيته

ولا ليــــتني لفيــــــت مع مفـــرق الغالين ** علـــى شــــان خلى ليتني ماتعـــــديته

واشوف الديار اللي ســـكنها وليـف العين ** واروح بـدربي لين اوقـــف على بيــته

واشــــــوفه واكحل به حواجبك يالعـينين ** وبروي عطـش كبدن له اسنين مارويته

ولاكـــن تعديته وجريتــــلي صــــــوتين ** بصـــــوتن يتل القلـــــب من يوم جريته

انا خــــايف انه صــار يمشي مع الثانين ** على شــــان طال البعد عامــــين ماجيته

وانا خـــايف انه صار ينســا مع الناسين ** وانا فــــي منامــــــي ياعرب ماتـناسيته

وذا صـــــار ناسيني وقــفا مع المقفــين ** انا اللـــي خطيت بصــــدتي يوم جازيته

صح السانك الاهنت

اقتباس:
المشاركة الأصلية كتبت بواسطة سلمان العضيله
صح السانك الاهنت


الله لايهينك وصح بدنك اسعدني مرورك

عبد الرحمن

صح لسانك و طاب وجدانك على هذه الأبيات الرائعة ، بوح جميل أعجبني .


تقبل مروري .

صح لسانك عبدالرحمن قصيدة جزله من شاعر جزل
وتقبل مروري

صح لسانك عبدالرحمن قصيدة جزله من شاعر جزل
وتقبل مروري

اقتباس:
المشاركة الأصلية كتبت بواسطة الشقاوي
صح لسانك عبدالرحمن قصيدة جزله من شاعر جزل
وتقبل مروري



صح بدنك اخوي الشقاوي اسعدني مرورك