ماشفت ماعينت ماجاك موحيت

[poem=font="simplified arabic,6,black,normal,normal" bkcolor="transparent" bkimage="" border="none,4,gray" type=0 line=1 align=center use=ex num="0,black""]
ماشفت ماعينت ماجاك موحيت =عن واحدٍ غايب ولا يذكرونه
خلٍ غداء لي يوم قفو وحنيت =وأنا مثل نبةٍ لجفت عيونه
حالي عقب فرقاه في سوء رديت =يوم ابعدو عني وقفت ضعونه
وزتاد همي يوم روح أونيت =وأنا الصفق الكفين من حال دونه
وجدي على خلي الياء أصبحت وأمسيت =وجود شايب حالته في مهونه
ماله عيال ولا عشيره ولا صيت =ولاله رفاقٍ فالشدايد يجونه
وفي مجتمع مابه رحيمٍ ولو بيت =قاسيتن أقلوبه ولا يرحونه
ماله يغير أيون ويقول ياليت =ليت الزمن في شبتي يرجعونه
وأنا الوني قلت ولا تمنيت =مايرجع الغالي ولا عيش دونه
دوانة من فرقاه شعرٍ وغنيت =واجاوب القمري بطرقة الحونه
وأقول له ماشفت ماجاك موحيت =ياقمري الروضه عسى يذكرونه
قد لي ثلاث أسنين ماشفت ماريت =الغالي اللي راح يالله عونه [/poem]


من كلمات /علي الرشيدي

وجدي على خلي الياء أصبحت وأمسيت
~~~~~~~وجود شايب حالته في مهونه
ماله عيال ولا عشيره ولا صيت
~~~~~~~ولاله رفاقٍ فالشدايد يجونه

قصيده رأئعه
صح لسانك القايل
بنتظار كل جديد لك

ماشفت ماعينت ماجاك موحيت
~~~~~~~عن واحدٍ غايب ولا يذكرونه
الله يرده وصح السان شاعرها
وتسلم امير بلادوله على الاختيار

صح السان الشاعر علي الرشيدي وسلمت يمناك اخي امير بلا دوله على هذا الاختيار الرائع

الله الله قصيده رائعه سلمت يمينك

بيض الله وجيهكم على هذي الردود الجميله الذي تجعل علي خلف المهيمزي الرشيدي يتقدم ويبدع ويعانق سماء الابداع في التقدم معكم انا علي خلف الرشيدي/ امير بلا دوله
وشكرا لكم على تواجدكم الذي يشع صفحتي نورآ كما نور القمر الذي لافايده في النجوم بدونه
وتحيتي وتقديري لكم محبكم امير بلا دوله

المشاركة الأصلية كتبت بواسطة امير بلا دوله

بيض الله وجيهكم على هذي الردود الجميله الذي تجعل علي خلف المهيمزي الرشيدي يتقدم ويبدع ويعانق سماء الابداع في التقدم معكم انا علي خلف الرشيدي/ امير بلا دوله
وشكرا لكم على تواجدكم الذي يشع صفحتي نورآ كما نور القمر الذي لافايده في النجوم بدونه
وتحيتي وتقديري لكم محبكم امير بلا دوله

والله وسبعة انعام ياعلي والله ايحييك ونتشرف بتواجدك والايزيدنا الا فخر

نرحب فيك مره ثانيه ونتطع لـ جديدك وعلى الرحب والسعه

ويستم نقل قصيدتك للقسم الخاص بقصائد شعراء القبيلة منتدى الشعر الشعبي وتستاهل اعلى تقييم *****

لك خالص ودي وتقديري