صوت وصدى بين الشاعرين عايد السندي ومفلح الخضيري

بسم الله الرحمن الرحيم

السلام عليكم ورحمة الله وبركاته

أخواني وخواتي اعضاء وزوار منتديات قبيلة المهامزة اضع بين ايديكم

هذا المساجلة الشعرية بين الشاعرين الشاعر العلم عايد السندي الرشيدي// والشاعر مفلح سويلم الرشيدي

يقول عايد السندي

فهقـت عـن ذيـك الصناديـق الأقفـال
واختـرت مـن جـزل المثايـل رفيـعـه
خذ يا قلم مع بيـض الأوراق منـوال
تـخـيـر الـجـزلـه وخـــل الـوضـيـعـه
مـــا دام فـكــري للتـمـاثـيـل شــغــال
قـلـبـي يـتـرجـم والـمـثـايـل تـطـيـعـه
في مدح من بالمـدح تزهـاه الأمثـال
بــدرٍ فـضـح داج الغـيـاهـب لمـيـعـه
نجل ٍ لمن عـرب مـن الجـد والخـال
طير السعـد نجـل الحصـون المنيعـه
مـفـلـح إلـيــا مـنــه هـبــا كــــل ذلال
يــا سـعـد منـهـو بالمـواقـف فزيـعـه
مفلـح خـذا فـي قمـة المـجـد مـنـزال
طيـبـه وراثـــه مـــا خـذاهــا بـديـعـه
سيفـي بعركـات المواقـف والأبـطـال
ضـربــات حـــده بالـمـلاقـا وجـيـعــه
مصقول صمصامـن لـلأرواح سـلال
يفري اللحم وفتـوق جرحـه وسيعـه
وفيـه الوفـا وافــي الـيـا قــال فـعـال
فعـل الـوفـا والطـيـب عـنـده وديـعـه
وشهـم وشجـاع وبالمهمـات رجــال
وطبـيـب نفـسـي للنـفـوس اللكـيـعـه
يابـن الرجـال مطـوعـت كــل عـيـال
حـمـر الوقـايـع فــي نـهـار الوقيـعـه
خطلان الايدي بالوغا سود الادغـال
ضربـة ايدهـم فــي عـداهـم شنيـعـه
وهيف السمان ومزبن الخايف الذال
وللجـار سـورن مـا تجـيـه الهزيـعـه
مشكور يا رجـل المواقـف والافعـال
كــســاب للـعـلـيـا وغــيــرك يـبـيـعـه
واسلـم رعــاك الله يــا طـيـب الـفـال
يـالـي تـجـي فـزعـات مثـلـك نفيـعـه
يـاعـل يـفـدونـك هـلابـيـس الانـــذال
حلوين الالسن في اسلـوب الخديعـه
واقـبـل تحـيـاتـي بمـنـظـوم الامـثــال
تـحـمــل بـطـيـاتــه ورود الـطـبـيـعـة

رد الشاعر /مفلح الخضيري

أهـلا هـلا و أ عـداد ماهـل همـال
مـن مدلهمـن يـروي الارض ريعـه
من قو وبلـه يحـرث الأرض لسـال
وليحتـدم يقلـب ثـرى كــل قيـعـه
تلاطـم أمواجـه مـن الجـال للجـال
ومن سـرع محـداره تضايـق تليعـه
تباشرت فـي مـاه وديـان وسهـال
والأرض رويـت والطبيـعـه مريـعـه
وتعاقـب النـوار بانـواع واشـكـال
ينعش شـذا ريحـه والاجـوا فضيعـه
ترحيب وافـي لاهـل العـرف ينقـال
مـن مبتـدا السنـه وحكـم الشريعـه
لابن الرجال اللي لـه المجـد مدهـال
ريـف النشامـا بالسنـيـن المجيـعـه
عايد وريـث المجـد ومعلـم أجيـال
لـه موقفـن بالطيـب يشكـر صنيعـه
وافي وله كف الوفـى عالـي العـال
يمنـاه عـن عجـف اليالـي شفيـعـه
محـزم نجـاه الياحتـزم كـل خيـال
شجيـع يمنـى والمجـاذب شجيـعـه
من ساس قوم ٍ باللقاء تشـرح البـال
حمّايـة التـالـي سـيـوف ٍ بتيـعـه
منسب عرب من روس شجعان و أبطال
أحـرار مـن مجنـا جبلهـا طليـعـه
جاه وجاها وعون فـي كـل الأحـول
فزعاتهـم وقـت الـلـوازم سريـعـه
والطيب وهبه مـا يـوّرث بالأمـوال
فـي راس عيطـا بالعـلالـي رفيـعـه
قد قيل عنه أقـوال وأشعـار وأمثـال
بإسنـاد ابـن لعبـون وابـن ربيـعـه
تـم الكـلام بذكـر عـلام الاعـمـال
اللـي فـرض للحـق ديـن وشريعـه

صح لسان الشاعرين ويعطيكـ العافية على النقل لاهنت وقصيدتين جميلتين جدا

صوت وصدى من شاعرين اعتبرهم عمالقه الشعر

صح الله السنتهم ومليون نعم فيهم يستاهلون المدح جميعهم

وتقبل خالص الود والتقدير

ابو نايف

مفلح سويلم الرشيدي

صح الله السانك

وصح الله لسان الشاعر عايد السندي

صوت وصدى رائع

شعرا لهم وزنهم الشعري

دام حضورك سيدي

لك ارق تحيه

الشاعر/مفلح سويلم
الشاعر عايد السندي


صحت السنتكم جميعاً


ابداااااااااااع



قصائد مميزه وجزله

بدوي فااااهم

صح الله السنتكم ياشعارنا
بصراحه قمه الروعه وكلمات
جميله
ومعبره
يعطيكم العافيه ...

رياض الرشيدي

اخواني اسعدني مروركم وحضوركم شرف لي بارك الله فيكم ودمتم بخير

تحياتي لكم وتقديري