ذكرت الكريم

ذكرت الكريم اللي بعد ماذكرت افلحت
حسيبي و وكلته بنفسي ومصلحتي

سباعي مجيعه كل مامسيت وإلا اصبحت
ولا ياحمامه وين في مسمعي نحتي

بغيت اتعدى الجاذبيه وانا مارحت
على متنها ماغير صمتي ومسبحتي

بقدر اتساع الذاكره في محيط السحت
احاتي ضيوفٍ ماتخلي مصافحتي!

اشوف الغبار يموج فوقي وظله تحت
ابادل مجاديفي وحوت البحر تحتي!

ابي اجتاح مرج اللؤلؤ برحلتي واجتحت
لو إن الرياح الهوج تحسب مناطحتي

تعلمت من صم الصخر هيبتي والنحت
وتخيرت منه اللون الابيض بلائحتي

عايض الرشيدي