عزي لمن يعشق وهو خالي الجيب

بيـن الفـراق وبيـن صـوت المكاتيـب
اموت واحيا والسبايـب رسالـه

الحـرف يشعـل وسـط قلبـي لواهيـب
كل ما يزيد البـرد زاد اشتعالـه

مثلـي يرتـب زيــن الأمـثـال ترتـيـب
واوسع من الأرض العريضه خياله

عـزي لمـن كثـرت علـيـه العـذاريـب
والحظ خانة وانهـك القـل حالـه

وعزي لمن حـده زمانـه عـن الطيـب
والعوز طال اللي بقا.. من حلاله

وعزي لضيفٍ ما حشموه المعازيب
شاف المهانه عندهـم والرزالـه

وعـزي لشيـخٍ يـوم بيـن بــه الشـيـب
الوقـت عاقـه واقطعوبـه عيالـه

وعزي لمن مثلـي جروحـه معاطيـب
عانى من المرين واوشك زواله

وعزي لمن يعشق وهو خالي الجيب
يمـوت حبـه والسبـب قـل مالـه

وقـت الرخـا كلـن يعـرف المواجيـب
والطيب يظهر قبل ياتي مجالـه

وبساعـه الشـده تـشـوف الأعاجـيـب
وتلقى من الشخص المقرب نذاله

لا يحـزنـك حـــبٍ تـلاشــا بتـعـذيـب
ما كل من يهوى يحصل منالـه

مـا فـات مــات ولاحــدٍ يعـلـم الغـيـب
وحكم القدر يجري ولافيه قالـه

إدلــه مــع الـدالـه ولاتـقـرب الـعـيـب
واللي يخـون الحـب تلقـى بدالـه

الله لا يـجـزي هــل الـشـك والـريـب
اللي غدوا بدروب الأحباب عاله

بعض الهقاوي تخطي القصد وتخيب
ولا كل شخص يستحق الجماله

الشاعر

دحام الهذال

قصيدة رائعة جدأ صح الله لسان الشاعر
بدوي فاهم تقبل مروري

صح لسان القائل والناقل
دمت بخير

قصيدة رائعة جدأ صح الله لسان الشاعر
بدوي فاهم تقبل مروري

صح لسانك لاهنت

بدوي فاهم

صح الله السان الشاعر دحام الهذال وسلمت اناملك على النقل عزيزي الفاضل

تقبل مروري وتحيييييييييياتي الحاره لك

الله الله ع الابيات يابدوي فاهم
ص الله السانك والسان الشاعر
ولا هنت ع النقل الرائع
تحياتي لك
ووفقك الله