(((((ودي أمــوت الـــيوم واعـــيش بـاكــر)))))

ودي اموت اليوم واعيش باكر
واشوف منهو بعد موتي فقدني

ومنهو حملني لين ذيك المقابر
واشكر أنا كل من كرمني ودفني

وبشوف يرثيني انا كم شاعر ؟
ومنهو تركني وماكتب شي عني

شخص ٍ تعنى لي مع انه مسافر
وشخصٍ قريبٍ وأنا ميت طعني

وشخص يمثل دمعته ماهو قادر
وشخص تطيح دموعه كل ماذكرني

ومنهو من أهلي في العزا كان حاضر
ومنهو دعا لي في صلاته ورحمني

ومنهوبنى باسمي سبيل ومنابر
ومنهو يفز قلبه إلا من لمحني

ومنهو عشاني طول الأيام ساهر
ومنهو ثلاث أيام راح وتركني

ومنهو يرتب غرفتي والدفاتر
وإن شاف صورة لي مات وحضني

يالله عسى ماتغفى كل المشاعر
ويالله عسى ماينصدم يوم ظني

خايف يروح العمر وأكون خاسر
وإن طار طيري مايفيد التمني

وخايف يجيني وقت أكسر خواطر
إن دارت الدنيا وزماني كسرني

ومدام هذي الدنيا صارت مظاهر
وكل من على كيفه وجوّه يغني

صحيح مسلم لكن الهم كافر
كل مابغيت اضحك يهددني حزني

الضيف وافي والحزن حيل وافر
والجرح اكثر شي شفته يحبني

عايش وميت بين ماضي وحاضر
والصبر مفتاح الفرج ضاع مني

قل وش تبي وتتركني ياحزني آمر
مسكين فرحي تصدق أنه وحشني

شاعر ولكني ماني بشاعر
ودي أموت اليوم وارتاح مني

ــــــــــــــــــــــــــــــــــــــــــــــــــ ـ
مما راق لي
مــــــــــــــــــــع
تحيااااااااااااااااااااااااااااات
[""- أسير~~~ الشوق-""]

اذا استطعت ان اعبر عن مدى روعتها فهذا انجاز !!!!!!!!!!
ولكن الكلمات والتعابير تخونني في وصفها....حقاً انها رااااائعه وافيه في معانيها تحمل الكثير من الحكمه .....لا اعرف كيف اعبر واصفها....لقد راقت لي كثييييراً.....

لك شكري الجزيل...... وتقبل مروري.....

المشاركة الأصلية كتبت بواسطة دانة المهيمزي

اذا استطعت ان اعبر عن مدى روعتها فهذا انجاز !!!!!!!!!!
ولكن الكلمات والتعابير تخونني في وصفها....حقاً انها رااااائعه وافيه في معانيها تحمل الكثير من الحكمه .....لا اعرف كيف اعبر واصفها....لقد راقت لي كثييييراً.....

لك شكري الجزيل...... وتقبل مروري.....

اشكرك اختي دانــه على التواجد المميز
والقاء الرأي الامثل
ولج مني ارق تحيييية
وشكراً

من اروع ماقريت من القصايد

ويعطيكـ الف عافيه على هذا النقل.............

أشكرك اخوي على المرور والطرح المميز
ولك مني ارق تحيية
وشكراً

صح لسانك ولسان قايلها
ولك مني الشكر واحلى تقييم تستاهل
وتقبل ودى وتحياتي
ودمت بحفظ الرحمن

مشكور على النقل الرائع
والف شكر لك على الاختيار
والله يعطيك الف عافيه وتقبل
مروري