عزاااااه يافرقا المواليف عزاااه!!!!!!!

ياشين فرقـا مـن تحبـه وتهـواه...

تعيش ما كنك مـع النـاس موجـود





تصفق بك الذكرى على جـال ذكـراه..

وتقول للذكـرى عسـى وقتـه يعـود





يـروح يومـك تنتـظـر وتـحـراه...

يمضي وذهنك لجـل طاريـه مشـدود





ويـلاه ياشيـن المقـاديـر ويــلاه...

الى متـى وآنـا علـى حـظ مقـرود





مـا كنـي الا مـن حمـل داه بـرداه...

بيته مـن أسبابـه مكسـر ومهـدود





وادعت من وسـط المعاليـق مبنـاه...

واليوم من فرقـاه ضيًـق ومضهـود





عـزاه يافرقـا الموالـيـف عــزاه...

أنا أشهد إن صبر المخاليـق محـدود





وين أنت ياللي في الحشأ حط مركـاه...

ياللي من أسبـاب الكرامـات مفقـود






تعال مـا فـي الحـب عـز وتشـراه...

طبع الهوى يا زين طـارد ومطـرود






تعـال خـل القلـب تـروى ضمايـاه...

دام الفتى عمره مـع النـاس محـدود






تعـال ولا الوقـت يكفـل خفـايـاه...

أما على حسرات ولا على جووووووود

اخوي فرج اختيار موفق والله لايهينك
تقبل مروري

صح السانك يافرج وبيض الله وجهك على هذي القصيده

بوعلي مشكوووووور والله يعطيك الف عافيه وتستاهل كل ماهو طيب

الله لايهينك اخوي مفلح واشكرك على مرورك

صح السان الشاعر

لاهنت على الابيات الرائعه