صراع العقل والقلب

السلام عليكم ورحمة الله وبركاته

صراع العقل والقلب ........ من المنتصر؟!!!!!

كثير من الناس يعتقدوا أن هناك من يفكر بعقله , وهناك من يفكر بقلبه,
وأن العقل للتفكير , والقلب للاحساس ….يعني منفصلين.. وبيختلفوا في حاجات
كتير…………….
وأنا هنا أسمحولي أتكلم عن شئ واحد وهو

الحب

فمثلا : ممكن واحد يحب واحدة جدا , بيحبها فعلا مش مجرد حاله بالنسباله,
وأول ما تيجي سيرة الجواز تلاقيه عايز يفكر كتيييييييييييييييير ….
طب ما انت حسب كلامك بتحبها بتفكر في إيه………..
فالشخص ده حصل جواه صراع .. فقلبه بيحبها … لكن العقل ليه حسابات
تانيه .. زي التكافؤ الذهني , والاجتماعي , والثقافي .......... وكده يعني...

بس ياتري لما العقل والقلب بيدخلوا في صراع مع بعض مين اللي هينتصر علي التاني

سوري لأني هطول عليكم وأقولكم تعالوا نشوف مع بعض الصراع ده -------

**العقل __فكر في أهلك وابوك وامك اللي بكره هيكونوا جد وجدة لأولادك..
ومش هتقدر تعمل حاجة لو تفاجأت أنهم مش قابلين أحفادهم .. عشان أبوهم
وأمهم مش مقبولين...

*القلب___ بس أهم حاجة أنا وهي وحبنا ألي هيفضل طول العمر...

**العقل ___عندك حق الحب هيخليكوا مع بعض طول ما مفيش
شئ هخليكوا تفكروا مع بعض بالعقل ..
ولما تختلفوا هيظهر سؤال مهم .....
أزاي هنعيش مع بعض من غير ما نكون متفاهمين , أزاي هنربي الاولاد من
غير ما نكون علي نفس المستوي الفكري ؟؟؟؟؟؟؟؟؟؟؟؟؟؟؟؟!!!!..

*القلب ___ بس أعتقد إن الاختلاف مطلوب .. فده هيفتح أبواب مناقشة كتير
هتؤدي مع الوقت لزيادة التفاهم وزيادة معرفتنا ببعض ...

** العقل__ كلام مظبوط ... أختلاف التفكير ماشي ....بس أختلاف
مستوي التفكير هيعمل صدام .. لأن أصلا مفيش نقطة ممكن يجتمعوا
فيها .. واحد تفكيره يمين , والتاني شمال .. هيجتمعوا فين؟!!!!!!.

*القلب ___ كلام مقنع بس أكيد فيه حل... !!!!!

**العقل ___ طبعا ... الحل إنه لما تختلفوا .. واحد فيكم يلغي دماغه
... لكن .. ده لو حصل .. ياتري الزواج هيفضل محتفظ بمعني إنه شركة
وحياة بين إتنين ؟؟........... معتقدش..

*القلب ___ياريت متتدخلش حبنا هيقوينا علي إحتمال مشاكلنا .. وهيخلينا
نغفر لبعض أخطأنا..

**العقل ___ ماشي بس أللي هيتنازل دلوقتي ... لو جه يوم وأختلفتوا في شئ
خاص بمبادئ وقيم ... ياتري حد فيكم هيتنازل ؟؟؟؟؟؟؟؟..

*القلب ___ أنت عايز تسود الدنيا في وشي وخلاص ....

**العقل ___طب خليك معايا .. لو كنت فكرت وحبيت واحدة مناسبة
كنت مش هتتعبني بالمشاكل دي كلها .. ولا بالتفكير أللي هيشلني ده
معتقدش....

*القلب ___ يعني مكنش هيحصلي مشاكل خالص؟!!!!!!!!.

**العقل___ ..لأ هيحصل.. بس مش زي أللي فاتت .. حتي ولو أنفصلتوا
.. محدش فيكم هيفكر إن هوه السبب لأنه أرتبط بحد مش مناسب ليه
.. فهمت ؟؟؟...

*القلب ___ ياعم أنتحر علي شان أرتاح منك ومن الدنيا كلها .. مهو ممكن أتنين
يرتبطوا ويكونوا زي بعض في كل حاجة ومش متفاهمين خالص!!!!!!!!

**العقل ___ ياصاحبي براحتك بس لو تجاهلتني في البداية .. مش هتقدر تتجاهلني بعد كده لما الخساير تكون كبيرة....فلازم لما تحب ترتبط تعرف أنتوا زي بعض في كل حاجة ولا لأ ...
بانتظار ردودكم
منقول للفائده

سحر منورررررنا ..

و حوااااار شيق و ممتع ..

و انا قرأت الحوار من قبل ..

و أتباط العقل بالقلب شيء مهم ..

و اظن الموضوع يتحدث عن نفسه ما يحتاج له أى تعليق أو فلسفه ..

لاهنت .. و شكرا لك على هذا النقل الرائع ..

تحيااااااااتي لك ...

سحر الطبيعه موضوع رائع وجميل وطرح مميز
سحر شكرا لك على هذا الابداع تحياتي لك

،،،،،،،،مشكوووووور والله يعطيك الف عافيه،،،،،،،

شكرا الك علي الطرح

اشكرك على الطرح الرائع والأكثر من رائع
دمتي بود

اشكرك على الطرح الرائع والأكثر من رائع