قالو التمريض للحرمه

[poem=font="simplified arabic,6,blue,bold,italic" bkcolor="transparent" bkimage="" border="double,4,gray" type=1 line=1 align=center use=sp num="0,black""]
من سنين الياس جيت لدورة هموم المعاني=وانقلب دولاب وقتي بالهواجيس اللعينه

ما وعيت الا وصوتي يرتشف غلطة زماني=والضمير يزف لي دمعة شعوره باكسجينه

صمتي اللي دمر احلام الاماني بالاماني=رحت ادور له وعيني تنتظر مسحة يمينه

شمسنا تشرق علينا وايضا سهيل اليماني=والبصاير ما تشوف الا مجرات الغبينه

لا تقولو لي توقع دام تاريخي طواني=الشراع يصيح مما نال ربان السفينه

ما يبا لصدوف بقعا شاعر ولا ترجماني=الغرير اليوم شاف اهوال بقعا تو عينه

قالو امشو بالتطور والحضاره شي ثاني=والتخلف في تقدمنا سرا واحنا نعينه

الادب يبغى شهاده والوفى يبغى مواني=وايضا التاريخ دايم ينتسب لموثقينه

اقتحام الغرب للدين اكتسح حتى المباني=ما بقى لو شخص واحد ما تاثر من سنينه

انفجر قلبي وحظي يا هل الرفعه جفاني=وين با احصل شعار الدين وين مطبقينه

قالو التمريض للحرمه طبيعي لا تعاني=قلت كيف الاختلاط وكيف حال مشجعينه

كم تفشى بين خلق الله زانيةٍ وزاني=والسبب اظن بانكم يا الخلايق عارفينه

تترك بلا محرم ويمشي هواها باتزاني=والنفوس تحرك الشهوات لو كانت دفينه

العلاقه تبتدي بالطيب وتفيض السواني=والنهايه تكتسح حصن الخفارات المتينه

فالذي يرضى لبنته لاختلاط يصير جاني=لا يلوم اللي سرق لا حط حقه من يدينه

جيت ابا ابرهن عن التعبير والخافق زواني=واهني اللي تمسك في سبيل الله ودينه

السروج بلا عنان اتحزمت ظهر الحصاني=والمصايب حركة كل المشاعر بالضغينه
[/poem]

صح لسانك أخ / ناصر

بصراحه نص يستحق قراءته مراراً تكراراً

جزل بمعنى الكلمه مليء بالصور والمعني

ويحمل اللفاظ الجميله

بيض الله وجهك

وسجل اعجابي

وتقبل مروري

صح السانك

اخي ناصر الشريف
صح السانك ولاهنت قصيدة جزله من شاعر جزل
وتقبل فائق تحياتي

العلاقه تبتدي بالطيب وتفيض السواني=والنهايه تكتسح حصن الخفارات المتينه

اشكرك من القلب اخي ناصر على هذاه القصيده الجميل التي ستجد المؤيد والمعارض

تحيتي حب الغموض

اخي ناصر الشريف
صح السانك ولاهنت قصيدة جزله من شاعر جزل
وكماء تعودنا عليك شاعر ماتكتب الا الجزل

ناصر الشريف ..
صح لسااانكـ ..واعتلى شاانكـ ,,
ابيات تتحدث عما بداخلهاا .. رساااله اخويه وتحمل في طياتهاا معاني سااميه ..
كعادتكـ متميز ..اتمنى لك المزيد من التقدم .. ودمت بحفظ الله .