نبش جرحي ابن فطيس واجبرني اجاريه

امسي على هذا الصرح الشامخ بالخير والمسرات انقل بين ايديكم مجاراتي لقصيدة ابن فطيس الشهيره وامل ان تحووز على رضاكم

يا هيه إتلفت لي وإسمع دعاي لك يا هي=هترى عادك بتشبع مـن البعـد وتواجـه
//
عليك الفؤاد إخلاجـه مصمـخ راعيـه=خف الله في راعيه ما تسمـع إخلاجـه
ترى العفو قد جاك أوله وإغتنـم تاليـه=وترى الحلم بحرٍ غير لا تآمن أمواجـه
وترى الود ليلٍ مظلـمٍ جيتلـك ساريـه=تدرج وصالك والجفا ينفـخ سراجـه
**
وترى قصرنا اللي كم سنة نجمع ونبنيه=هوى العذل طيح بابه العـود وسياجـه
لي أيام مدري وين دارك ولا أدري ليه=وأنا خابر إني بـاب شفـك ومزلاجـه
//
غيـابٍ بـلا سبـة هجـادٍ بـلا تنبيـه=وجفا أغلى العرب نارٍ على الكبد وهاجة
نضج قلبي من البعد وش حاجتك تكويه=جفاك الجمر والصبر في بعدك الصاجه
إنطبع حبك بقلبي والأيـام مـا تمحيـه=هذا هجرك يحاول يموجـه ولا ماجـه
**
يموت الأمل لكن ظنـون الغـلا تحييـه=وعروق الوفا فالروح والقلب وجاجـة
؟؟
خبرتوا حدٍ يبكي علـى واحـدٍ يبكيـه=وخبرتوا حدٍ مسجون ما يبقي إفراجـه
!!
أحبه ولا أبغضته علـى شـيٍ يسويـه=ولا زالت رقاب الرجـا فيـه معاجـة
()
عسى منزلٍ ضمه حقوق الوسم تسقيـه=وتضحك له الدنيا وهو يضحك حجاجـه
فقد خاطري شي مـن الضيقـة مسليـه=وغدت روحي من الناس والليل هجاجة
**
أروح لمكانٍ خابـره .. خابـره تآتيـه=أسوق القدم صوبه وهي مالهـا حاجـة
مكانٍ نزيـه وأول مواجهـي لـه فيـه=وأنا خابرٍ مـا رجـل مثلـه بدواجـة
لعل وعسى ما حدنـي للمجـي يدعيـه=وأشوفه وأنا ما ودي أسبـب إحراجـه
يحب الجريح آخر دروب اللقى ويجيـه=وتحب القدم جيـة مكـانٍ أول مواجـه

[poem=font="simplified arabic,5,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
وهذي مجاراتي لابن فطيس
على مستوى موج التلاطم وبحر التيه=يهيض الضمير الراكد وتلطم امواجه
نبش جرحي ابن فطيس واجبرني اجاريه=وانا ماعلي من العزا والوزا حاجه
تكلم ضميرٍ كشف الوقت عن خافيه=وهو قبلها ماوالله يحطم اسياجه
ليا صار لغلى شخص عندك ثلاث اوجيه=وش يعرفك من وين دربه ومنهاجه
تصبر وخل النيه الزينه تمشيه=ولابد له من ليلةٍ تطفي اسراجه
على شان مايرميك باللوم والتشريه=ليا قل ماتحمل له وطاحت ابراجه
رفيق الزمان اللي من اول بس اداريه=واساقيه من بحر الشعر لوله وعاجه
ولو يطلب اغلى ماملك من الحياه اعطيه=ولابخل بشيٍ يمكن يسبب ابهاجه
على شان شيٍ غالي وصاحبي مغليه=لبس فوق تشريفاته اوسامه وتاجه
على ظني اللي كنت رغم الظروف اوليه=جميع اهتمامات الضمير وتوهاجه
لكن الحقيقه تضرب الراس وتصحيه=ويصحى ويلقى واقع الشمس منباجه
ويدخل بغيبوبه وليل اسود ويدويه=ويونس بصدره علط الارماح خجاجه
ويستدرك انفاسه ويضحك على ماضيه=ويرجع على ماضيه ويفتش ادراجه
ويلقى الدليل اللي عليه الغلا معميه=ويندم على مافاته وسبب ازعاجه
مع ان الكلام اللي يجيني عنه طاويه=تحت جنح تظليل الكذوب وتدراجه
انا ليش يوم اسمع به الهرج والتشويه=وانا خابر ان الناس بالناس هراجه
لكن الصحيح انه حقيقه ولو مابيه=مصيره حقيقه وسطها النار سراجه
ومع ذالك الوضع المحير ومايعنيه=من الصدمه اللي بين الاضلاع رجاجه
ماوالله يخلي قلبي الانتقام يجيه=لو الغبن يسمر فيه ويقطع امشاجه
تركته وقفيت وخلاص انتهى طاريه=ودونه ضربت الباب قفله ومزلاجه
هو الله يسمح دربه وماحصل يكفيه=وانا قلبي من الوقت يكفيه ماواجه
وسلامت الجميع
[/poem]

صح لسانك حجاج مجاره لشاعر علم بارك الله فيك

صح الله لسانك اخوي "حجاااج"،، .. ولسان ابن فطيس ..
:/:
مجاارااه لها طعمها الخااص

ووفيت وكفيت .. مجارااه واافيه

بيض الله وجهك واليوم ارتويناااا شعر ،،،
بجد امتعتنا يامبدع معودنا على التميزز ،، دمت باحسن حال وصح لساااانكـ،،

دايما ابن فطيس مبدع بكل شيء:
خبرتوا حدٍ يبكي علـى واحـدٍ يبكيـه=وخبرتوا حدٍ مسجون ما يبقي إفراجـه
!!
أحبه ولا أبغضته علـى شـيٍ يسويـه=ولا زالت رقاب الرجـا فيـه معاجـة
()
عسى منزلٍ ضمه حقوق الوسم تسقيـه=وتضحك له الدنيا وهو يضحك حجاجـه
ارى ان المجاراة اتت على غرض واحد هو الغزل لكنها لم تلتزم نهج المجاراة الحقيقي لان المجاراة في الشعر هي: انك تتبع قصيده شاعر او كاتب مثل القافيه والوزن في نفس النطق وتجاريه في نفس المعني المراد للشاعر المذكور في القصيده.

والمجاره بمعنى المتابعه والالتزام في الشي يقول جاورت جاري اي لزمته واصبحت قريب منه اي ان المجاوره في الشعر تحمل اتباع الشاعر او الكاتب ما يجاريه في القافيه والوزن والمعني.
شكر لك ياحجاج على هذه النظرة البعيدة التي من خلال اصبحت تجاري ابرز الشعراء المشاهير.
وشكرا تقبل مروري.

البحر الهادي مروور جميل

بنت رجال مرورك انار متصفحي

المرزم مرور متواضع جدا

الله وكبر الله وكبر ياحجاج

انــا لـيـش يــوم اسـمـع بـالـهـرج والتـشـويـه 8 وانـــا خــابــر ان الــنــاس بـالـنــاس هــراجــه

كلام يصب بي ماء الذهب ولاهو غريب شاعر مثلك يجاري مثل النجم محمد بن فطيس

وصح لسانك

صح لسانك حجاج مجاره لشاعر علم بارك الله فيك