يارقيق المشاعر

يا رقيق المشاعر رين راح الحنان
ليه ماشلت قلبن طاح قدام عينك
الزمن هو زمانك والمكان المكان
واخر الشعر كلمه نسالك وينك
من تقهويت صوتك سولف الزعفران
عاد وشلون فنجا لن تمده يمينك
تذكر شلون كنا والزمن كيف كان
يوم لاغبت عنك مااسمع الاونينك
اشعر بخوف مدري كنت احس بامان
يكفي ان جيت يمك طار فيني حنينك
وشكثركنت وافي واقرب الناس خان
بس اثق فيك حتى لوعيوني تدينك
راحت اسنين عمري وعمرك ثمان
يوم شحت سنيني عواضتني سنينك
زان عمري بقربك يعني الوقت زان
حتى جرد القصايد ربعت في يدينك
طول عمري وانا لاوي ذراع الهوان
شفت يومك بعيني منهو يقدر يهينيك
مذكر اني نسيتك واذكرك من زمان
واذكر اني ضحيه بين قلبي وبينك
تدري وش جابني لك لاتقول الحنان
جيت بشيل قلبن طاح قدام عينك

صح لسانك ومشكور اخوي وتحياتي للجميع وتقبل مروري...