شعر عبدالله بن باتل الرشيدي

سلام عليكم ورحمة الله وبركاته:
اقتطفة لكم من الشاعر الكبير عبدلله بن باتل الرشيدي(البحر الميت)قصايدجميلة واتمنى ان تنال اعجابكم وبالنسبة الشاعر عبدالله بن باتل اطلق عليه البحر الميت والذي اطلق عليه اسم البحر الميت هو صاحب السمو الملكي الامير خالد الفيصل واليكم بعضا من قصايدة:

(سر ياقلم)

سر يا قلم مالي على الصبر طاقه

صبرا تعدى الحد ما عاد ينطاق

اكتب لمثلي قصته وأشتياقه

في خطك الواضح على بيض الاوراق

قصة حزين(ن) صافي المر ذاقه

وليا ذكر ما صار له خاطره ضاق

باقوبه الاصحاب و الوقت باقه

أصبح ضحيه بين بايق وبواق

يمشي وهو ما حس في كسر ساقه

أمسى على ساقين و أصبح على ساق

وهاذي سوات الوقت شين اصطفاقه

الوقت لو يصفيلك أيام دراق

أن شان قطع معك كل العلاقه

وأن زان خلا لك مع الناس عشاق

ومن شان معه الوقت قلوا رفاقه

وراحت حياته كلها هم و أقلاق

والله خلق خلق يحب اللباقه

كما خلق له خلق ما عندها أخلاق

أحدٍ يعيش بخير وأحد بنفاقه

وأحدٍ يعيق أيام و أيام ينعاق

وأحدٍ معه حكمه وصبر ورواقه

سبحان منهو للمخاليق خلاق

لكن يامن معك عقل و وثاقه

أبنصحك كانك للأمثال تشتاق

لآ تنخدع بأهل العلوم الرقاقه

اللي سوالفهم توهق توهاق

صادق رجالٍ يعرفون الصداقه

يقفون صفك يوم يبسات الارياق

من رغب في فرقاك فأرغب فراقه

جاز ..الذي يجزيك بفراق بفراق

وتعلم التعشيق قبل السواقه

لآ تحسب أنك بالدرقسون سواق

ورزقك يجيك بدون تحضر بطاقه

عند الله المعبود تقسيم الارزاق

يقولها اللي جاير الوقت عاقه

ولازال في غيبوبة الهم مافاق

من أنعزاقه بادي بأنعزاقه

واللي يوده صار شوفه بالأشفاق

و لاقال هذا القول قصده طفاقه

ما قال هذا غير من نار الأشواق

(وين العزاء)

وين العزا يوجد على يأس فرقاك

يوم(ن)يأسك قام يغلب رجاكاا

وقامت شوي شوي تبعد مطاياك

حزم(ن) نبأ دونك وحزم(ن) وراكاا

وهبت رياحً عجها دمدم خطاك

لين إنمحت برضي مواطي خطاكاا

وتعسرت شوفتك ماني بوياك

عسر هنا شوفك وعسرهناكاا

وعزالله إني بالتلاقي معك شاك

ونجمي بدأ ضوه يغور بسماكاا

أنساك لاماانساك منساك منساك

الله ينسى من عرفك ونساكاا

بليتني في حبك الله يبلاك

من شأن نصبح بالمحبة شراكاا

ومنك أنت ماجاني منك غير ماجاك

لكن خدين النذل جاني وجاكاا

والموقف اللي غيبة الشمس ماارضاك

وأبكاك وأحرقني ونبة هذاكاا

فرقتنا من غير قصدسواياك

والعيد جبته فينا الله هداكاا

وأقفيت من عندك وأنا كني إمعاك

وكل سحب نفسة بصمت ونواكاا

وعلي تخطي لكن أدمح خطاياك

وتزعل وترضى من خلاك بخلاكاا

وأنا أبخصك وأبخص خوافيك وأقصاك

وهذا الكفيل اللي تكفل غلاكاا

وبعدي عنك يازين أدركني إدراك

ولقيت عذروجيت لجلك نراكاا

جيت بذكاء مااذكاك مااذكاك مااذكاك

ياللي عليك الاذكياء ماتذاكاا

مااجملك يالغالي بعيني ومأاحلاك

أنت الغلا وأنت الحلا والملاكاا

غير الجمال اللي ذبحني وغواك

عفيفةٍ نفسك وحلوٍ نباكاا

ودنياي شالتني وشالتك دنياك

عقب السوالف والدلع والمراكاا

ولاهي بعيني شئ دنياً بلاياك

الله يلعنها ويسعد مساكاا

ومسموم حبك ياحبيبي وفتاك

وكل المشاعر دب فيهن هواكاا

مع القمر والريح وأسوار وأفلاك

أنا وهن قمنا ندور برجاكاا

وفي كل حين يمرني طيف ذكراك

وأجنح معه عبر الخيال ومعاكاا

ولايصورك طيفك على ماتمناك

وفي طيفك أشياء ماحيه من بطاكاا

تلوح لي صورتك بالطيف مناك

وعني تلوذ بسرعةٍ وارتباكاا

ويكفخ عليك القلب والنفس تبغاك

ونفسي وأنا والقلب قيك إنشكاكاا

وتشتاق ياالغالي عيوني لرؤياك

ولو ماعليها أمون يمكن تباكاا

مالك عوض عندي ولامنك فكاك

مايفكني من حبك الالقاكاا

والكبد مايروي ضماها سوى ماك

ولامن ضماك ولاهواك إنفكاكاا

ولوكل عمري ضاع ماادركت لاماك

أنا وعمري كلنا من فداكاا

(تاهت أبحوري)

صحيح خير من العلاج الوقايه

مير المصيبه لاوقايه ولاعلاج

لاتنصحوني كل" ابخص برايه

وقت النصايح فات واليوم محتاج

مابالنصايح فود عقب النهايه

عقب النهايه مابها غير الاحراج

وبعض الوسايل ماتوصلك غايه

والصبر يقضي نوب من قل الافراج

ودرب الضلاله غير درب الهدايه

ولكل مخلوق" بدنياه منهاج

ولا كل رماي يجيد الرمايه

ولا كل عد نارده مثل هداج

والناس بعض الناس مثل المرايه

يضحك بوجهك وان مشى منك هراج

يبحث خفاك وعنك ينشر دعايه

ويجني عليك بصحبته هم وازعاج

وانا عسى المعبود يجبر عزايه

ويشفيك ياجرح" ورى ظامري لاج

من بعد ماطًًّّّّّّول عناي وشقايه

وتهت ببحر همي وصارعت الامواج

ويخضر يباس ارضي ويصفي سمايه

وتنام عينن ما اهتنت بالتمهلاج

(عيني بعينك)

عيني تسرح يحبيبي بعينيك

وتنظر بعينيك الشقا والسعاده

لك نظرتن تسهر عيونن تراعيك

ولك مبسمن يخلف حديث الولاده

خدك كما برق" ينوض بحواليك

وشعرك كما ليلن كثيف بسواده

ياعيون حر" شابكينه شبابيك

راعيه فرح بصيدته يوم صاده

ناري جفاك وجنتي لمست ايديك

ولولاي اخاف الله عبدك عباده

تفديك نورا وبوسي والهام تفديك

ومعالي الزايد وليلى حماده

(قايد الجن)

يحق لك تنفخ ويصير لك.... فن

ويحق لك تزعل وتصد... عني

ان كان متعرف على قايد الجن

اناخلقني الله من ..راس جني

وان كان متعود على ضحكة السن

ان الصراحه راس مالي وفني

ولكم خالص التحية

السيف العطيب

صح الله السانك الشاعر عبدالله باتل نعم البحر الميت غني
وسلمت يداك على النقل المميز

اخوي السيف العطيب
المنقول مكانه المنقول اسمحلي بنقلها هناك

تقبل مروري وتحييييياتي الحاره لك

صح لسانه وعلا شانه
مشكور اخوي عالنقل
دمت ودام تميزك

شكرا لمرورك على موضوعي وهذا شرف لي ووسام على صدري مشكور اخوي ابوسلطان
ويعطيك الله الف الف عافيه

صح لسان الشاعر عبدالله الرشيدي
ومشكور على النقل لاهنت

مشكوووووور والله يعطيك الف عافيه شكرا لمرورك على موضوعي وهذا شرف لي ووسام على صدري

صح الله السانك الشاعر عبدالله