قصيدة مدح في الشيخ هديبان ثاري ابن مدعث المهيمزي

اهديكم هذي القصيدة و هي مدح في الشيخ هديبان ابن ثاري ابن مدعث المهيمزي

سلام ياراع الوفاء و المواجيب @ سلام يامزبن من الوقت ضامه

سلامن أحلا من البن شمخ النيب @ ينصاك ياشيخن رفيعن مقامه

هديبان أبن ثاري حصان الاطاليب @ الطيب منهاجه وغايت مرامه

ماهي علوم مجمعين الاكاذيب @ الطيب علق فوق صدرك وسامه

دامك سلايل شايبن فاز بالطيب @ عود ن عسى الفردوس مثوا عظامه

على النقاء ماهو مجامل و تلعيب @ الطيب أساسك و أنت ذروت سنامه

ياليث يامكسب قصيد الواعيب @ ياحر ياقرناس مجد و ازعامه

نجمك على غيرك كما الجدي مايغيب @ لا غابت انجوم اهل الرداء و الملامه

قمة جبل شامخ فدوك المزاريب @ من روس قومن في نهار الخصامه

يروون حد مصقلاتن محاديب @ لامن صاف الجو طير عسامه

لاطار عج الخيل واقفن مهاريب @ ستر العذارا محتمين الجهامه

عدوهم منهم عطيب لمضاريب @ ينكف يعض من الحساير ابهامه

كم فارسن فلابه الطير و الذيب @ بسبابهم قامت عليه القيامه

و ادخيلهم دونه جبالن مراقيب @ يعيش بحماهم بعز وكرامه

عيال مدعث محتمين المواجيب @ اهل الوفاوالجودواهل الشهامه

مهامزه من روس عبس المجاذيب @ غيثن من المنشاء تحدر غمامه

غيثن على الاصحاب عذب المشاريب @ و على العدو سمن سقطري طعامه

رفيقهم يبشر بطيبن على طيب @ و لو زل منهم ماتجيه الملامه

و عدوهم يبشر بجردن محاديب @ جرد السيوف مطمنت كل هامه

بامجادهم يزهن بيض المكاتيب @ محفوظ بالبردي ليوم القيامه

و مدح الرجال اهل الشكاله ماهو عيب @ يستاهلون المدح و الاحترامه

العيب مدحن بالعفون المزاريب @ خبلن مايفرق خنصره من ابهامه

و أنا مدحت معرب الجد و مهيب @ شيخن بمدحه زاد شعري وسامه

شيخن يحل مشربكات المناشيب @ لا جنب الواجب خطات الخمامه

في مجلسه يلقى المسير تراحيب @ وبيته ملاذ المن قسا الوقت ضامه

و ختامها قافي حروفه بترتيب @ تمت و منك المعذره بالختامه

أن حصل في قافي قصور و عذاريب @ و اقبل تحيات المحب و اسلامه

و صلات ربي عد نبت الاداعيب @ على رسولن شرف الله مقامه

الشاعر / عايد اديهم ابن مدعث المهيمزي / نجم تبوك

قبل لا نسى أريد ان أقول صح السانك ايها النجم الشمالي
والف نعم فيك وبالممدوح
سوف يتم ختمها بختم التميز انشاء الله يوم غداً وتثبيتها
من قبل المشرف محمد ابن مدعث
لا نه ذلحين مش موجود
ولا بدوي زاحف قسم ان قصائده محداً درى عنها
ولا فيهن ولا وحده مختومه وحتى التثبيت ماكو

لا تصميم الا تصميم ريتاج

والنعم فيك ياأديهم وافي الله يديمك ويحفظك والنعم بالممدوح ويستاهل بن مدعث
وصح لسانك على القصيده
نجم تبوك
كن بخيرا

صح لسان شاعرها وتسلم يد ناقلها
يعطيك العافيه اخوي نجم تبوك على النقل
تقبل مروري

والنعم فيك ياأديهم وافي الله يديمك ويحفظك والنعم بالممدوح ويستاهل بن مدعث
وصح لسانك على القصيده
نجم تبوك

ماعليكم زود و شكراً للجميع

و النعم بالمادح و الممدوح و أبو عبد الله يستاهل المدح .

عايد أديهم صح لسانك على هذه الشامخة .


تحياتي .