الشهد من مبسمه و الهيل

تصفحت إحدى حدائق الشِعر وأحببت أن تُشاطروني جمال الوصف و عذوبته ليس إلا .

..

..

..

اللي شبابه تحـدى الجيـل ** هو شـف قلبـي و مطلوبـه

أصفى جبينه من القنديـل ** و خـدود بالنـار مشبوبـه

و الخشم ممشوق مثل الميل ** و السيف يأخذ من اسلوبـه

و عيون كحلا بـلا تكحيـل ** خجـلا و نجـلا و مذيوبـه

و جفون بالوصف و التحليل ** من سحر هاروت مسلوبـه

و رموش تنشر جناح الليـل ** من فوق صفيـن مهيوبـه

و سنون براق نجم سهيـل ** سرى على الشرق لاهوبـه

و الشهد من مبسمه و الهيل ** و شفاه بالتـوت مخضوبـه

و الشعر زافات شط النيـل ** من فوق الأمتان مسكوبـه

و العنق يا عنق شقراء الخيل ** من خيل بغـداد منسوبـه

و الصدر رمان وادي السيل ** مرابي الطايـف أعجوبـه

تنثـري يـا ورود ابريـل ** علـى ذراعيـن رعبوبـه

و البطن مسلوب منه حيـل ** حارب طعامـه و مشروبـه

ملوي و مطوي و خصر نحيل ** ان كان في الخصر عذروبه

و ارداف شالت هدومه شيل ** و الموج يرقص على ثوبـه

منسوج في روعة التشكيل ** الوان في بعض مضروبـه

و الساق ياويل قلبـي ويـل ** من الذهب صاغ مصبوبـه

في كعبه القيـد والتحجيـل ** رجله على المشي مغصوبه

جسم الرشاقه يجـر الذيـل ** ما يلمـس القـاع عرقوبـه

و اقدام رقـت بـلا تطويـل ** و اظفـار بالجمـر مكتوبـه

لوجـاز لكفوفـه التقبيـل ** قبلـت كفـيـه مقلـوبـه

غيداء غدى زينها تهويـل ** لا يا هوى بس لـي توبـه

سبحان من فصله تفصيـل ** اعطاه حسن ابـن يعقوبـه

...

لـــلـــــــــشاعر

(( ع ــــــلي القــــحطــــاني ))

..

..

منقول مــــــــ ع مــــــحبتي

قصيده رااائعه صح السان شاعرهااا


شاعرناا معيبد الرشيدي انتقااء نــقي ومتميز

يسلمو الأناااامل ع النقل

لك أجمل تحيه

تصفحت حدايق الشعر وقطفت أفضل ورودها .وسلمت على الذوق الراقي
قصيده من اروع القصايد التي تصف الوصف الدقيق
صح السان شاعرها على القحطاني

النجلآ

الله يسلمك و يعافيك ، و التميز هو تواجدك .

لكِ أرق تحية .

البحر الهادي

الله يسلمك و يعافيك ، الروعة حضورك لا هنت.

تحيتي لك .

يعطيك الف الف عافيه

على الطرح الرايع والمجهود المتميز


تحياتي لسموك

أبيات راقت لي
صح لسان شاعرها
وصح اختيارك الجميل
بانتظار قادم انتقائك الفذ
كُنت هُنا
ملك الحرف