لاتعتذر مال الهجر منك تبرير

[youtube]

لاتعتـذر مـا للهجـر منـك تبـريـر
صـدك بليـا ذنــب والله ظليـمـه

ماصار لـي بعـدك يفـوق اي تصويـر
تجـددت كـل الجـروح السليـمـه

بـعـدك لعـب بي هاجـسـي والتفاكـيـر
وقلبن جريح وروح صبــــن مهيمه

ماغيـر اسلـي خاطـري بالمشـاويـر
اروح وارجـع والهواجـس مقـيمـه

ياحبـي اللـي بيـن بيـض الغنـاديـر
لك في عروش الـقـلـب قـدر وقيمـه

ان كـان صـدك ماخـذك عنـي الغيـــر
روّح ولـو إن الخسايـر وخيــــمـه

وان كانهـا عنـي خـذتـك المـقـاديـر
فالعفـو عنـد المـقــدره فيـه شيمـه

يامرحبـا والـحـب كـلـه معـاذيـر
تشفـع لـك أيـام الغـرام الـقـديمـه

يـوم الهـوى ليا زارنـي منـك أعصيـر
أضم في صدري من أجلـك نسيمـه

واليوم اصبـــر خاطـر الوجـد تصبيـر
واقول صدك عقب وصلـك جريمـه

و لا جـاك منـي ياهـوى البـال تـقـصيـر
مواقـفـي ويــاك والله عظيـمـه

صخرت لك مشاعـر الشـوق تصخيـر
وامطرتـك بحبـن تقـفـاه ديـمـه

وظــلـلـتـك بجفنـي وصـارت مسافـيـر
يـوم الغـلا بيـن النديـم ونديـمـه

واليـوم ماتنـفـع كثـيـر المحـاذيـر
تـفـاقمـت بيـن النفـوس الحشيمـه

عسى سنينـك روض عشـب ونواويـر
محـد لنفسـه يرتضـي بالهزيـمـه

إمـا تخاوينـي علـى الشـر والخـيـر
والا السلامـه منـك راس الغنيمـه ..

الله عليك يا النجلآ ، كلمات و أداء و لا أروع ، لكِ جزيل الشكر .

ردي و ودي .

رووووعه تسلمين يا النجلآ ع حسن الانتقاء

تحيتي لك . .

النجلا
طرحك يؤنس شغاف القلوب
ويروي ظمأ المتعطّش للنقاء والصفاء
تسلم يداك على هذا الطرح الرائع
كلمات ومعاني رائعه لمن يتأمل معانيها
ويقف عندها
ابدعت بطرحك الرائع
ابداعك ونحن بشوووق لجديدك
أعذب تحية لقلبك
علم دااااار