الله يهونها على العود ويطيب

مساااكم الله بالخير
حبيت أنزل هذي القصيده وأهديها لابوي الغالي والله يطول بعمره

الله يهونها على العود ويطيب
ويغفرله الله ويرحمه لكل مافات

يابوي لافترت اعظامك من الشيب
اخذ من اعظامي عظام(ن) بديلات

يومنها حر وشموس و لواهيب
يصير ظلك فوق راسي مظلات

ويومنها برد(ن) يسل العراقيب
دفاني بشتك واحتظني من الذات

تعطي ولا ترجي وراها مكاسيب
الا من الله رب عرش السماوات

يمناك لامدت تمد مدها غيب
كنك تقول الطيب يا ناس بسكات

علمتني ان الكرم والعذاريب
ماتجتمع لو يرجع الحي لامات

وانا ولدك اللي قضبت المقاضيب
في طاعتك ملزوم في كل الأوقات

دامك بوسط البيت تامر و انا اجيب
ماعذربت بيتك اطوال العمارات

صوتك و صوت امي اكبار المكاسيب
لايبعد صوتي وبعد كل الأصوات

للشاعر // ثامر شبيب الرشيدي

يعطيك العافية على النقل الجميل
صح نقلك الراقي وصح لسان شاعرها


تحياتي لكـ

الله يعافيك أخوي منوور

صح لسانك ومشكور اخوي على النقل وتقبل مروي تحياتي لك وللجميع ...

الله يعطيك الف عافيه

صح السان ثامر ورحم الله والده
وتسلم على انقل أخي/ يكفيني غلاها
ووالد أنا اشهد كرم وطيب ونعم الرجل
اسأل الله في هذا اليوم المبارك أن يمتعه بصحة والعافيه ويخليه لك ويخليك له
وأنت كفو ونعم وتسلم
تقبل مروري وشكري على هذا الأختيار

صح لسانك ومشكور اخوي على القصيده الرائعه..