ِِ مقــهى البـوح الشـعري ..،، تفضل أرتشف قهوتك ..ِِ.

يا شيـن طبـعٍ فيـك .. يا زيــن الأطبـاع
.................... لولا الرجــاء .. ما كان خلّيته .. يفـوت

سَـنَـع .. يشـوّه لا تـذكّـرتــه .. أسـنـاع
.................... مثل الحصاة .. اللي وسط عقد ياقــوت

تخـفي هيـامـك .. وإنت ميـّـت وملـتـاع
.................... ما تـدري إنه في ملامـحـك .. منـحـوت

ويبخل لسانك .. وإنت للسمع .. طمّـاع
.................... والبخل .. في سَلْم المحبيـن .. ممـقـوت

الحكي .. قوت السمع / و سموعي جياع
.................... ومسامـعي ماتت من الجـوع .. للـقـوت

وحكي الغزل في صدرك أشكال وأنواع
.................... لكن صمتك .. حوّل الصـدر .. تـابـوت

ليا طَلَبتـك وصـل .. صعّبـت الأوضـاع
.................... مدري .. من اللي درّسـك جعله يمــوت

تصـد .. ما كـنّـك من الصـد .. مـرتـاع
.................... وإن قلت : يا القاطـع .. تلفّـتّ مبـهـوت

أقطع بـ دَرْب مواصلك في الشهر.. باع
.................... وإلاّ إنت تقطع للوصل فـ السنة .. فوت

طعني .. وطاوع واحدٍ فيك .. ما طـاع
.................... ناسٍ صغار عقول / وأشوار / وبخوت

وإلطف بحال اللي نحـل حاله .. و راع ..
.................... قلبٍ جروحه .. تنزف أفكار .. وبيوت

قلبـي .. ليا منّه شـرى قـلـب .. ما بـاع
.................... وإنت الله الله فيه .. والعمـر موقوت

اسمع أشعاري في الهوى وارخ الأسماع
.................... ياللي غـلاك بـ تربـة القلب .. مكـتـوت

لا .. للفـراق .. و لا .. لتجديـد الأوجاع
.................... ونعم .. نعم للوصل .. لو كان بالصوت

هذا إنتّ كل مَ ضااقت بيّ الدنيا \" تغيب !
و كل مَ ضااقت بك الدنيآإ تجيني !

أنا في خاطري كلمه ولا ني قادر اخفيهـا** يقولون الزمن غادر وانا اقــــول الزمن وافـــــي
يقولون الصداقه سنين تبعدهـــا وتدنيهــــا ** واقول ان القلوب اقوى مابين احساسه واحساسي
صداقة ترم خلتني ..مع رقه معانيهــــا ** كتبت من الوفـــــــا قصـه ادونهــا بتجــرافــــــي
ألا كل الحـلى منهو بهالدنيــــا يوازيهـــــا ** صديقه لا قسى وقتي وغدى بي الدهر جافــــــي
عسى الله بالفرح يملى حياته وكل امانيها** بفضل الله يحققهــــــا ويبقى قلبهـــــا صـــافـــــي
وعسى المولى يخليها لعين دوم ترجيهـــا ** وتبقى بيننا الصحبه على مر الــــزمن كــــافـــــي
وصلاة الله على طه عدد مانادى ناديهـــا ** في يوم الضيق يوم العبد يلجى ربنا حــــــافــــــي

ماضيك الاسود بذكره دون تقصير ... كذا يكون بخده الشعر شامه


يصدق معي تعبير ويخون تعبير ... ياضيعت الشاعر بوقت انسجامه


يمكن خطى دونك بالشعر مير .... لو ماحترمتك للغرام احترامه


ماكان حبك غير بس طعنتك غير ... علمتني معنى*الندم والندامه


ماجاك مني اي زله وتقصير .... كل ما خطيت اعاتبك ببتسامه


حسبي على الذكره اذا هبت عصير .... ماعاد تنفع شرهتي والملامه


البال ظامي وقتها والحزن بير ... خسرتك وهمي كسبت اهتمامه


والليـل فازعلك كذا جاني مغير .... ظلمتي واكثرظلمني ظلامه


لقبل علي اوحيت صوت المسايير.... وفزيت كل ظيف يقوم بمقامه


وليا عزم هالليل ضيقه وتفكير ... قلي بربك كيف اقدر انآآمه

مافي داعي للعتب والمعاذير ... الغدر خال الجرح واطيب عمامه


اما يجيب الله مطر تالي وخير ... ولا السلامه ماشي مامن سلامه

سقا الله زمانٍ زال وبالذاكره مازال
فداه العمر لو راح الاول على التالي

..

قبل من عوايدنا نعشق السهر لا طال
معي بكل يوم وليله اقرب من اظلالي

..

تنام بعيوني فارعه ماعليها شال
سترها الغلا والخوف من عين عذالي

..

وفجأه بلا موعد صحينا على زلزال
اخذ كل شي ولا ترك غير غربالي

..

بقا بيننا يمكن تواصل بقايا وصال
تجيني بعد مده تدور عن اوصالي

..

مجرد سلام ومانسيتك وكيف الحال
هذا آخر الغالي وحقه وهو غالي

..

واذا مر وقت ولا لفى منها مرسال
وبديت التفت عن حالها شوي في حالي

..

عن اللوم والشرهه رسايل علي تنهال
من يدينها واحسها تسولف قبالي

..

يقولون : مايبكي على المقفيه رجال
وانا اقول : جعل قلوبهم مالها والي

..

على وين ماراحت اسوق القدم رحال
اخيل المدى والدرب موحش وبلحالي

..

ادور حدر غيمة مواعيدها همال
ولا شفت منها غير موعد مع اهمالي

..

خلاص انتهينا مابقا للسنين آمال
بعد ماقِصر مرسالها مات مرسالي

..

هي الحين صارت راعية بيت وام عيال
وانا الحين مثل اول على خبرها حالي

لا تعاتبني .‎ ‎.
على " قلّ " العطا ,
مابقى بـ : القلب*
من حبّك ......... - جهد !!

لا تنـصـدم مـاعــدت شـــي بحـيـاتـي كلك عـلـى بعـضـك كـرهـتـك وعـفـتـك

مـابـيـك لـــو انــــه وجــــودك غـنـاتــي. حذفت انا اسمك من سجلي وحذفتـك

صـارت حياتـي مـعـك تشـبـه ممـاتـي مافيك حــاجــه طـيّـبــه لا وصـفـتــك

عمـر الخـطـا مـاكـان نــوع بصفـاتـي حتى مشـيـت الـعـام دربــك وشفـتـك

انــا غـلـطـت بـحــق نـفـسـي وذاتـــي غلطه بـدت مـن يــوم جبـتـك وضفـتـك

داخـــل خـفــوقٍ حـــط حـبــك مـنـاتـي كبرك فــي عيـنـي وجـيــت وعـرفـتـك

وصرت القريب اللي .. شتاته شتاتي. جرفتني كـلــي .. وكــلــك جـرفـتــك

لـكـن خـسـاره مـنـت كـفــوْ لـسـواتـي اللي حـصــل بـيّــن رداك وكشـفـتـك

تـدري بصراحـه ايـش غلـطـة حيـاتـي اني نــزلـــت لـمـسـتــواك وعـرفــتــك