سقا الله طعنة منها عرفت إن الرجال

سقا الله طعنة منها عرفت إن الرجال أفعال
نهار أشقيت رجليني وكل الناس خياله
ترى ماكل من ربى شنب ياصاحبي رجال
ولا عاد (الشنب) يفرق حريم الوقت ورجاله
ألا يافارج الكربه ألا ياعالم بالحال
أنا عبد فقير وعادت الأيام حباله
أنا لو كان لي حيله على قلب الشقى لاأحتال
عسى الله لايواخذ قلبي المجنون بهباله
خفوقن في طرف صدري بنى للمقفيه تمثال
يقول الموت لأجل الموت وفال الله ولا فاله
ألا يالله كان اللي يجيني طيفها بالبال
هنوفن تسكن ضلوع القصيد العذب وجزاله
إذا هي ناويه من جد تقفي وتفصل الجوال
لاعاد بارك الله مصنع الجوال وإرساله
بعد ماأهديتها قلبن تردد دونه الغربال
خفوقن لو يشوف الموت صدره ياقف قباله
خفوقن مدته مدت كريم البارق الهمال
خفوقن لأستشاض القيض جتك الناس لظلاله
شرب فنجال ثم فنجال ثم فنجال
وليا من الزمن أقفى يفز يشرب دلاله
حشا والله وأنا رجال اليا من غضب ماقال
واليامن قال له كلمه تفز رجال لأقواله
صغير السن لكني كبير وأصغر العقال
أخذت من البحر عمقه وأخذت من الصبر جاله
رزين جاهل عاقل كريم بحبتين هبال
غليظ وفض ومن حولي يفض البخل وحباله
إذا ود الهنوف تصد تاخذ نشرة الأحوال
ترى عبدالله الدواس شال الريح جواله
وقلبه سالي عنها من أول مادخل شوال
ولاعاد يبي نوره ولا ساره ولا هاله
وإذا صار الجفى وأقفت وصارن الليالي طوال
ترى ماياخذ الرجال كود اللي تهيأ له
عسى الله لايخليها بعد تلقى علي مدخال
وعسى الله لايذوقني بعدها الحب وإذلاله
عزمت أقطع الصوره وأحرق قلبها والشال
نويت أنهي عذاباتي ودرب الحب وجداله
وإذا جابوا لها الطاري هلي والناس والعذال
أبشهر بسمتي وأقول كلن راح في حاله
علي الحرام إني لاأخليها وأنا رجال
مدام إن الفعل يفرق حريم الوقت ورجاله

وإذا جابوا لها الطاري هلي والناس والعذال
أبشهر بسمتي وأقول كلن راح في حاله
علي الحرام إني لاأخليها وأنا رجال
مدام إن الفعل يفرق حريم الوقت ورجاله
شكرا بندر على الطرح والذوق ولانتقاء الرائع

يعطيك العافيه اخوي على الطرح الجميل ونتمنى منك طررح اجمل ياذوق تسلم والله

صح اللسان شاعرها وتسلم يمين ناقلها
ترى ماكل من ربى شنب ياصاحبي رجال
ولا عاد (الشنب) يفرق حريم الوقت ورجاله
ألا يافارج الكربه ألا ياعالم بالحال
أنا عبد فقير وعادت الأيام حباله

مشكوووووور والله يعطيك الف عافيه

مشكور على الانتقاء الراااائع

صح لسانك ومشكور اخوي على هذي الابيات.