سـمـــوّ الحــــبّ

السلام عليكم و رحمة الله و بركاته

أسعد الله أوقات الجميع بالخير و المسرات ، عذراً على الغياب أيها الأحبة ، عدتُ إليكم بهذا النص و القادم أحلى إن شاء الله و أتمنى أن يحوز على رضاكم .

[poem=font="simplified arabic,6,black,bold,normal" bkcolor="transparent" bkimage="" border="groove,8,gray" type=2 line=0 align=center use=ex num="0,black""]
يا عيون اللي تعنوا عاشقينه=نادرٍ ما ينزل الا راس قارة
حددوا وقت العبور مدورينه=و احسبوا له و استعدوا لانتظاره
الشبك قبل الصباح مجهزينه=و أفلسوا من صيدته تالي نهاره
مرهم تحت السحاب موصفينه=طايرات الميق في تنفيذ غارة
وينهم عن ما هوت نفسه ؟ و وينه=عقبه الصقار جاز من الصقارة
القواسم تشترك بينك و بينه=بالنزاهة و النظارة و الندارة
يا طراة العمر يا لذة سنينه=يا سموّ الحبّ يا رمز الطهارة
وش يقول اللي تهل الدمع عينه=من مشاعر صادقة ما هي عيارة
كل حرفٍ من حروفك تكتبينه=في مدينة حبنا يبني عمارة
كيف سطرٍ بالوداد تسطرينه=ميّزه ذوقك و ذوقك بالصدارة
كل سطرٍ من سطورك عن مدينة=أحلى مدن أزورها و أحلى زيارة
بس ضاعت فرصة العمر الثمينة=حلم الأرباح انتهى بأكبر خسارة
من شكى نار الفراق الله يعينه=كل يوم الذكريات تزيد ناره
تمضي الأيام و أيامه حزينة=ما سمع علمٍ يبشر بالبشارة
بين هم اللي جفاه و لايمينه=مثل مسجونٍ تمنى شوف داره
و الضنين اللي تغرّب عن ضنينه=يحسبنّ الصدّ و الفرقا شطارة
قولوا انه له حبيبٍ في يمينه=من غزير الدمع يكتب له عبارة
و الله ان الروح ما زالت رهينة=و ان ما عنده على الفرقا جسارة
كيف يجسر و يتسلى عن حنينه=بعض الأشياء ما تجي له باختياره
بس يمكن شاف ما حقق يقينه=و التجارب تعطي الألباب إشارة
شاف شيءٍ سابقينه شايفينه=خبرة أهل الحب تخبر عن مساره
الهوى معروف عند مجربينه=حاليٍ مبداه و آخرته مرارة !!
[/poem]

كلمات / معيبد الرشيدي

مـن شكـى نـار الفـراق الله يعينـه
..........كــل يــوم الـذكـريـات تـزيــد نـــاره
تـمـضـي الأيـــام و أيـامــه حـزيـنـة
...........مـا سمـع عـلـمٍ يبـشـر بالبـشـارة

الاستاذ معيبد الرشيدي
صح السانك وعلا شانك
نص رااائع كرووعة حضورك المميز
دمت ودام نبضك
تقديري

صح الله السانك واعتلى شانك
وتقبل مروري

معيبد ابن شعبان

لك مع الابداع عقد دائم
صح السانك وسلم بنانك
جزل يابن شعبان
لاعدمناك ولا عدمنا جديدك

تحييييياتي

صح لسانكك وعلا شانكك
ابيات من اعماق قلب صدق للحب لاكن اخذله القدر
لله درك ي معيبد

الشاعر /معيبد بن شعبان

الحمد لله على السلامه وعوداً حميدا ان شاء الله

وصح الله السانك ملايين ولايستغرب عليك الابداع

ازكى تحيه

ما اقول صح لسانك

واقول صح كلّك

تسلم يا معيبد قصيده شامخه كشموخ حضورك

جزله من جزل ومن اجمل ما قرأت هنا

تقبل مروري لاهنت

واجمل باقة من الورد لسمووك

تحيااتي