يا لله عسى نو اصدق الوسم ينقاد

اهدي هذه القصيدة المتواضعة الى
الشيخ سالم بن رويبح بن هون ، امير السليم وابناء عمومته :


[poem=font="simplified arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]

يالله عسى نو اصدق الوسم ينقاد =في رادة اللي له عباده اسجودي
يسوقه المولي على منوة اوداد =قلبي وغاية ماتمنت اقصودي
لين يتوسط دار ذربين الاولاد=اكرام سبلى صادقين الوعودي
ادنى السهل والي ورى الضلع من غاد=الصلصله معقل عرين الاسودي
واليا التحم نشوه وهيي للاعداد=يطلق سنا برقه لزيز الرعودي
في ماحوت صورة ثلاثي الابعاد=على مساح الصلصله بالحدودي
تلببه ريح الصبى فوق الا وتاد=وعلى مرابعها يفل الجعودي
ثقيل نو" صيب" مابه انكاد =امجلل" يثمر منه كل عودي
همال ودقه فيه رحمه وميعاد=لحيا الجذوع اللي من الوقت سودي
وعلى السليم يفيض ثقله ويزداد=شلال هملوله عليه ويقودي
لين التليع يسيل من سيلها الواد=وتركى الخباري في محير الصمودي
يروي ثرى دار المكارم والامجاد=دار" على شح اليالي تجودي
ديار شيخ المرجله ضد الاضداد=سالم على الفعل الجزيل امحمودي
ولد رويبح لابيض المدح معتاد =وطيبه ورى كل الهقاوي يزودي
شيخ" ورث شيخة عريبين الاجداد=اسمه على اشداد ابن هون امعمودي
اشداد شيخه ماهو حي الله اشداد=وفحساب ذروة مجد عبس امعدودي
ماهي بشيخة قوم هابد وهباد=موتى النواضر باردين الخدودي
واف الخصايل با المراجل ليا زاد=ماهو غريب" من طويل الزنودي
من دون قا صر في لصنا ديد الاجياد=اللي عن احدود القبيله تذودي
شيخان عبس اللي يفكون الا ذواد=مني لهم رد الثنى في ر دود
يابو منيف لمدحك الشعر وراد=ورد الذهوب الضاميه للعدودي
يبغا منك يروي حيامه ويرتاد=دارك ويروى في ثناك الورودي
حفاوتك فينا لها وقع و اعتاد=بنفوسنا ونفوس كل الوفودي
من لطف ذاتك كل من جا معي شاد=وقالو عنك قول الثقات الشهودي
انك من اللي يحفظ الملح والزاد=لا ضيع العشره خطات الجحودي
وان المزايا الطيبه جمع و افراد =بطيب شمايلها عويدي وعودي
في كل ما سمي من البا اليا ضاد=من طبخة الدله لريح الورودي
وارض المرى اللي تنبت الهيل والكاد=منها على وجهك نزول وصعودي
امقابلك في حد ذاته بالاوكاد=يعكس كرم شعب الصمود السعودي
ومن عبس ملك ازهير وفعول شداد=في نضرة اولى اللباب شمس وعمودي
لعل كل ايامك افراح واعياد=وفي كل عام ابخير عيدك يعودي
وفي جاه جود اللي له الخلق سجاد=عسى رويبح في نعيم الخلودي
في الخلد له روحه وقومه ومقعاد=مع زمرة اللي في سبيله جنودي
وان كان قولي عن صواب الهدف صاد=من دون قصد ارجوك عدل صدودي
مجهد ومتحرص وفي منطقي جاد=حب و تفاني يا سليل الفهودي
وللخاتمه ياشيخ مقصد ومسناد =تبقى ذخيرة محكمين السدودي
[/poem]

صح لسانك وعلى شانك

الشاعر الكبير
سهل نافع المهيمزي
صح السانك وبيض الله وجهك
كما تعودنا منك الابداع والتميز
لله درك
تقبل مروري البسيط امام شموخك
تقديري

أبو سامي قصيدة وافيه من شاعر جزل لشيخ كبير
هنا ثلاثي الإبعاد شعر وشاعر وشيخ
ونعم فيكم جميعا

صحِ لسـَانكْ ومـًشكورْ..

صح السانك ابو سامي وبيض الله وجهك

ونعم بالشيخ سالم وربعه يستاهلون

صح لسانك شاعر ومشكور على طرح هذي الابيات..