فهد محياء خليفه العجوني الرشيدي ( أبــوتــــركــي)

((عبس الشهيره))

سلام الله سلام الي غزابي
عدد أيات وحروف الكتابي
سلام الله على عبس الشهيره
قبيله عبس والفخذ الذيابي
وعلى خالد بن محمد وربعه
هل الوقفات من ظرسٍ ونابي
بعد ماجيت حفله بالمدينه
وواجهنا عزيزين الجنابي
بسم ربعي العوازم جيت ابارك
واشارك بالسوال وبالجوابي
اشارك من حظر للحفل عاني
من الشيبان والا من الشبابي
حظر واحظر معه ندر بيوته
وشرف حفل قومٍ ماتهابي
وقال الطيبه للي طلبها
عزيز الجنب دام انه هقابي
ابن عجوين يوم انه دعاني
بسم خالد بن محمد ونابي
يومٍ الاش يطمع في خويه
خوي العز من سقم الهوابي
ابوتركي فهد ابن محياء
ابن عجوين ذيب من الذيابي
عريب الساس كساب النفايل
سديد الراي من يحسب حسابي
من رجال الوفاء واهل المروه
بني رشيد يالحر القطابي
رجالٍ فعلهم يشهد ويشهد
لهم تاريخهم ياهل الجنابي
لهم خوه وعلمٍ يقتدابه
وعلى نهج النبي يمشي الصحابي
واخويه والخوي لاصار اخويه
حشى لله ماطمع بزهابي
وهو من قوم مايذكر رداهم
مدله الخوي علمٍ صوابي
رجال العز والنفس العزيزه
رجالٍ طيبهم مايوم غابي
واليامن الرشيدي ضاق صدره
ونخاني في لزومه وانتخابي
يموت العازمي دون الرشيدي
واجي كلي اليامنه إعتزابي
واقف في ماقفي واقوم واقعد
واعدي بالجبال وبالهظابي
والد العين للمنشى واخايل
خيالٍ بارقه وسط السحابي
عقب مابان نجم الليل وأظلم
وهل المزن يوم الثلج ذابي
ولاح البرق يوم الرعد يرعد
على دار الرجال اهل الصعابي
وتهلهل واستهل طشه ورشه
وسال السيل واروى كل نابي
على جبال الثمد واجبال خيبر
وجبال الصلصه وهاك الشعابي
وعلى جبال اللحن ينزل بردها
كما رشف الرصاص بوجه سابي
طمع بديار فريس القبيله
يومٍ المعركه فيها التهابي
ودون الارض مانرضاء الغليبه
ومصيبه كانها راحت هبابي
ولولا الله ورجال المدينه
ومد العون يوم الطفل شابي
عقب قل الرصاص مع الذخيره
ونطحتو القوم في روس الحرابي
وشهرتو اشيوفكم والشاهد الله
على ماصار يوم الظن خابي
وجيتو بالفشق من فوقٍ خيلٍ
لها زمه وهمه وانقلابي
وكر وفر بامر اصغر رشيدي
قضب اعنانها وجاوب واجابي
وفريس القبيله اهل نخوه
واهل سطوه واخص ابن الذيابي
عقب جاب الفشق فزعه لربعه
وجاب النصر ماجاب الخرابي
أبرر موقفه واقف بجنبه
واصب القاف من علمٍ سطابي
كما صب الذهب بيدين صايغ
ويطفح مثل جنحان العقابي
لاجاء من غيض هد الراسياتي
ولاجاء من هيض يهبا كل هابي
اليامني مدحت امدح عريبٍ
وقريبٍ من قريبٍ في خطابي
وخويي والخوي عز لخويه
ويشاركني حظوري مع غيابي
وهو يدري بأني ما أثني
ياشيب العين كان القاف شابي
قبل لاقول ببيوت القصيده
ذيابي اشهد ان خالي ذيابي
ابو ماجد سعد طلق الحجاجي
ذيابي أشهد ان خالي ذيابي
سعد ابن سند ماتعرفونه
من اهل الدين واصحاب الكتابي
الياضاق الصدر ماضاق صدره
الياضاقت وقديت الثيابي
أطق إله التحيه والتحيه
صرفها هاجسي لبن الذيابي
بعد خالي سنام العز خالي
اليامن الردي عد الردى بي
يقف دوني عديمٍ مايهوني
ونزيهٍ مايهاب ولايبابي
أقبل جبهته وأحب عينه
وخشمه لانطحني وإلتقابي
عضيدي مسندي عند الشدايد
شجاعٍ مايغش ولايرابي
كريمٍ يفرح الياجاه ضيفه
وحزام الجنب له باب وجوابي
وهذا سلم ابوه وسلم جده
وربعه من يفكون الرقابي
مثل خالد بن محمد حزامه
من اهل الطيب يوم الكل طابي
ذكر بالخير قرم طاب ذكره
وصيته بالبلد مايوم غابي
ابو محمد اليامنك نخيته
مهيب كل نصابٍ وصابي
يعد الحق ويقول الحقيقه
كما شمس اشرقة عقب الغيابي
على الافراد ماعمره تكبر
ومع الظباط له علمٍ رقابي
وربعه عزوته وهو عز ربعه
رجالٍ مايزيدون الطلابي
رجالٍ تارد احواض المنايا
وتبرق بالنوابي والمنابي
ويحدون العدو الياعترضهم
على المضماه مع ضوح السرابي
بني رشيد لاقصرت وطالت
وزادت قوه الي مادرابي
الياقلت احلفانا واحددانا
من رجالٍ يداوون المصابي
الاواعلته واكبر سقمه
يوم إن الدم الاحمر كالخضابي
براس الرمح والسيف المجرد
شرب من دم ابي وابن ابي
يعلم واحد ماقد تعلم
ويتوب مذنبٍ مايوم تابي
رجال ماتمن ولاتمنن
بجرة حبر تجزى بالثوابي
زجولٍ ترجي الحق المهيمن
عظيم الملك جلاي الضبابي
وترجي من الولي انه يجيرك
ويجير ابوك من نار العذابي
بيومٍ مايظلك غير ظله
عقب مايبعثون من الترابي
عسى الله ينصرك ويعز شانك
تفيد العبد في يوم الحسابي
الياخاب الرجى باقرب قريبٍ
بحزات الدعاء المستجابي
ماخاب الي رجاء الله المثوبه
ودعاء للي لهم فضل وثوابي
عقب ربٍ كفل للعبد رزقه
اليامني دعيته واستجابي
عسى الجنه جزى قولك وفعلك
ومن حوض النبي عذب الشرابي
وعسى الله يرحمك ويزيل همك
ويجعل بينك وبينه حجابي
وإلاه الكون ماخاب الرجاء به
الياخاب الرجاء بك والرجاء بي

وسلامتكم..


الشاعر/
نايف بن دكيم العازمي

هذي القصيده مهداه الى الملازم اول
خالد بن محمد الذيابي الرشيدي

صح السان الشاعر

صح السان الشاعر

صح السان الشاعر