لوا هني الي بعيد (ن) عن السيف

قصيدة الشاعر /نشمي زامل الرشيدي

لوا هني الي بعيد(ن) عن السيف
و النفس في درب العمل ماجبرها
دارا هوها شين بالبردةوالصيف
و ازريت اميز شمسها من قمرها
نوب(ن) تورينا غبارا وعواصيف
و نوب(ن)تورينا ارطوبة بحرها
لو كان فيها ماعلينا تكاليف
و انا احمدالله يوم حالي سترها
لا كان ابي في مسقط اراس توجيف
دار(ن) نشيت ابها جواهر حجرها
دار(ن) هواه كيف من غير تكييف
واطياب اهلها من روايح شجرها
الى ارقبت في روس الحلي المشاريف
احلى من اديباج ممشى وعرها
ديرة اربوع(ن)تكرم الجار والضيف
والفعالهم كل ارجال تخبرها
بني رشيد مفرقين المواليف
في كلمت(ن) ولد الطريسي ذكرها
ربعي اليا ضاقت علي المحاريف
يسوون عندي ماخلق من بشرها

صح لسان الشاعر والناقل

صح لسان الشاعر وسلمت يد الناقل

صح لسان الشاعر وسلمت يد الناقل

صح لسان شاعرها ويسلم ناقلها