مقتطفات للشاعر المبدع الشاعر عيد بن مربح الرشيدي

21-Sep-2010, 09:17 PM

السلام عليكم ورحمة الله وبركاته:
اقتطفة لكم من الشاعر المبدع واسطورة الشعر وهو من كبار كتاب الكلمه الشعبية وهو شاعر القبيلة ومدرسة المحاورة وهو الشاعر عيد بن عوض بن مربح الرشيدي واقتطفة بعضا من قصايده واتمنى اتنال اعجابكم واليكم بعضا من قصايده:

***(((الكفه)))***

بديـت بآسـم مكـون الأنــس والـجـان

بأسـمـه يعـاهـد كــل جــنٍ مـــرودي

وردٍ عـلــى مـاقـالـه فـــلان وفـــلان

ضعوف النفوس اللي تغـث الكبـودي

تـاريــخ مـتـجـرد وتـألـيـف عـمـيــان

كـنـه عـلـى ظـلـم العـبـاد مـحــدودي

أخـص مـن سطـر بالاحـقـاد ديــوان

حـقـود والمـصـدر كـتـابـة حـقــودي

اليـا أنعـدم مـبـدى العقـيـده بالانـسـان

يـقـدر يـســوي مـايـسـوي الـيـهـودي

ولأهل الوفا والصدق شكراٍ وعرفان

وتـحـيــةٍ عــطــره وبــاقـــة ورودي

نعم رشيـدي مـن بنـي عبـس غطفـان

من قيس ابن عيـلان شجـرة جـدودي

تحت مسمـى عبـس واشجـع وذبيـان

تلقـى عنـا وينـي ومـجـدي وجــودي

هرجٍ علـى صـدق وحقايـق وبرهـان

حـقـايـقٍ تـدمــغ دمـــاغ الـجـحـودي

حقـايـقٍ تــروي معـانـي خـبـر كــان

بخـطـوط كـوفـيـه بـصــم الـحـيـودي

حصل المنافس والسبب سبة حصـان

سبة فرس وحصـان راحـت فهـودي

وجانـا بغـا التركـي ودارن الاكــوان

دون الكـرامـه والـوطـن والـعـدودي

ومر الجفـاف وراحـوا البـدو فرقـان

كــل ٍ طــوى بيـتـه بظـهـر القـعـودي

وزاحوا لنـا مـن غبـر الايـام فرسـان

احــدٍ حــدر وأحــدٍ تـوجـه سـنـودي

شالـوا علـى فلـك البحـر لأم درمـان

يـبــون وديـــانٍ سقـتـهـا الــرعــودي

ثــم استـقـروا بـيـن كـسـلا وحـلـفـان

يتـلـون شـــف مـطـيـرات الـبــدودي

ونزلٍ نـزح للسيـف راضـي وقنعـان

مــــن الـبـحــر لـلـدبـدبـه لـلـنـفـودي

قـوم ٍ لهـم فـي ساحـة المجـد مـيـدان

يـــوم ان كـــلٍ دون حـــده يــــذودي

صالـوا وجـالـوا واستـقـروا بـهـدلان

دار الصـبـاح الـلـي تـلــم الـوفــودي

ونـزلٍ تــورث منـزلـة عـبـس بـأبـان

ونزلٍ بـوادي السـر سـوى السـدودي

وفـي كـل دار ألنـا مـوارد وعـربـان

وتاريخنا بارض العرب لـه وجـودي

وحـنـا بقـيـنـا بالـمـنـازل والاوطـــان

بأقسى الظروف مواصلين الصمودي

تـرمـز لـنـا الكـفـه هـويـه وعـنــوان

الـنـاس تـعـرف والعـوانـي تـــرودي

يـوم الجزيـره بـيـن تسعـيـن شيـطـان

نطعـن ونطعـن دون هـاك الـحـدودي

مــن المديـنـه حـدنـا ضـلـع حـبــران

مايمـرهـا الا مــن خـضـع للـقـيـودي

ومـن حـرة الكـوره لشرقـي مرغـان

بعـد امرنـا يـردون مـاهـا الــورودي

ومن ذاق ضـرب سهونـا راح ندمـان

يـمــوت مـافـكـر بــلــم الــجــرودي

اسلاحـنـا قـــو العـزيـمـه والايـمــان

والا عـددنــا بـالـحـسـاب مــعــدودي

ودخيلنـا ممـن عـن الضيـم مـا يـهـان

وسلامـتـه نـبـذل وراهــا الـجـهـودي

وخويـنـا مايكـظـم الغـيـض زعـــلان

وقصـيـرنـا نـعـطـيـه حــقــه وزودي

حنا هل المعروف ورجـال الاحسـان

قـومٍ نجـود اليـا أنـعـدم كــل جــودي

وأمجادنا غصـبٍ علـى كـل مرضـان

شعـاع ذري فــي عـيـون الحـسـودي

ويوم ارسـل الله مسلمـا لـم الاخـوان

سرنـا ورى صقـر الجزيـره جنـودي

من ضمن جيش الفيصلي نسل عدنان

والله يـشـهـد والـخـلايــق شــهــودي

وننعـم بحكـم محاسـبـة كــل غلـطـان

ولا عاش من يجرح كرامـة سعـودي

(تـرا ألاخـلاق خربانـه)

يالمور خذ نمرت الخامس من اليمنا

تحتـر تبـرد تـرا الاخـلاق خربـانـه

والله لـتــنــدم وحــنـــا ماتـفـاهـمـنـا

مـــادام مـيـقـوع ماعـقـبـت قلـبـانـه

ولاتشكي الظلم حنـا الوقـت ظالمنـا

دليـل ظلمـي تـراك تشـوف برهانـه

البارحـه مـع ثـلاث اوجـاب مانمنـا

مكينـتـك تشتـغـل والعـيـن سهـرانـه

ان دبـرت شـدنـا يـرخـى محازمـنـا

نـروى بـدلـون يضـيّـع مــاه شقـانـه

وان اقبلت خصمنا يقضـي لوازمنـا

صداقـتـة تستـحـل بـيـوت عـدوانــه

عـــزالله انـــا مـــن الـدنـيـا تعلـمـنـا

درسن صعيبن علـى التلميـذ نسيانـه

الله يجـيـب الصـديـق الـلـي يعلمـنـا

ابنشـده عـن غريـب وحـال عربانـه

لــولاه فــي بـيـت جـدانـه محطمـنـا

ياوسع صدري عليـه و بيـت جدانـه

لــو قصـدنـا البـعـد مريـنـا وسلمـنـا

مـيـر الـبـلا شـوفـت الـديـان ديـانـه

(ياتل قلبي تلة الجمس بثنين)

يـاتــل قـلـبـي تـلــة الـجـمـس بثـنـيـن

فـي يــد عـديـم وشـاحـن لــه زقـايـر

وقـف يشيـل الحمـل مـن بيـن حـديـن

وقبـل غـروب الشمـس والعـج طايـر

بنشـر مابـيـن المركزيـيـن الغريـريـن

وركـب اسبيـره كــن مـاهـوب ذايــر

وقامو عليه اللي على الموت جسرين

مـسـلـحـيــن ومـــدديّـــن ذخـــايــــر

سبعة جموس موديـل سبعـه وسبعيـن

ومـن فوقهـن تقريـب سبـعـة حظـايـر

قام وركب مـن فـوق صافـي البليتيـن

الـلـي حسـاسـه مـثـل حــس النـذايـر

قال انتهـض لعيـون مريوشـت العيـن

امـــا طلـعـنـا بــربــح والا خـسـايــر

عامـيـن وانــا اخــذ مقـاضـي بالـديـن

واليـوم فــي تسـديـدت الـديـن حـايـر

مــع الـوعـر ممـشـاه مـيــه وسـتـيـن

ومع السهل طبلونـه اللـي انـت خابـر

(لقيت للقرحة)

لـقـيـت للـقـرحـة عـلاجــن iiطـبـيـعـي

فرقى ختوش الربع وأنذال iiالأصحاب

قـلـبـي لـيــا مـنــي نـزرتــه iiيطـيـعـي

يضغط على نفسي وترتاح iiالأعصاب

وأنا مع أهـل العـرف راسـي iiرفيعـي

يوالوقـت عـادي فيـه حسـاد iiوأذنــاب

يـابـن خـلـف يانـسـل عــود iiشجيـعـي

يالنـادر اللـي مـن هقـى فيـك iiماخـاب

تعـال أبيـك وخــل صــدرك iiوسيـعـي

نـبـي نتنـاقـش بالقـضـيـة iiوالأسـبــاب

قـضـيـة عـنـهـا الــدلايــل iiتـضـيـعـي

يولاني غني عن رأي عكفـان الأشنـاب

وإفـهــم عـلـيٌـه قــــدر iiماتستـطـيـعـي

وتـراي ماسنـدت لـك لـولا iiالإعجـاب

وعطنـي مـرادك بالقـطـار iiالسريـعـي

وعساك تلقى لـي عـن الريـع iiمجنـاب

(ياعلاوي نجد)

يـاعــلاوي نــجــد عـلـيــك مــراديــم الـسـحــاب

ديــــرةٍ فـيـهــا تـربـيــت يــــوم انــــي صـغـيــر

يـاطـبـيـب الـنـفــس وشــــو عــــلاج الأكـتـئــاب

أعطنـي وصفـة عـلاجـه تــرى وضـعـي خطـيـر

عشـت فـي غربـة حقايـق وفـي وضــع اغـتـراب

والـتـجـارب عرفـتـنـي عـلــى الــشــي الـكـثـيـر

شفـت نـاسٍ ترسـم الـورده علـى صـدر الـغـراب

والـغـراب ألـيـا بغـيـت ألـمــس الـــورده يـطـيـر

أسـتـفـدت مـــن الـذيـابـه ومـــن نـبــح الــكــلاب

وأستـفـدت مــن الـرغـا وأستـفـدت مــن الـهـديـر

ولاكـسـبــت إلا مـعـرفــة عـزيـزيــن الـجــنــاب

ولاخـســرت إلا مـعـرفــة عـديـمـيـن الـضـمـيـر

أقـتــرب لامـقـتـرب شـيــن بــعــض الأقــتــراب

أبـتـعـد لامـبـتـعـد شــيــئ فــــي حــقــي كـبـيــر

يـاسـؤالـي كـــل مـاطـرحـك ماألـقـالـك جــــواب

مـالـي إلا الصـبـر وأهــل الصـبـر تـوعـد بخـيـر

وصـف خبـلان الرخـا مثـل ضحضـاح الـسـراب

يـفـرح العطـشـان شـوفـه يـحـسـب انـــه غـديــر

للـردي لـو هـو ولـد عــم لاتحـسـب لــه حـسـاب

كـــم عـزيــزٍ ذلـــه الــوقــت بـضـيـافـة حـقـيــر

الـــــدروس أنـــــواع تـطـبـيــق والا أنــتــســاب

بــس أنــا الـلـي طـبــق الـــدرس قـــدام الـمـديـر

يـا (غريـب )أن مـت شلنـي اليـا هــاك الهـضـاب

حــط قـبـري بـيـن عـنـتـر وأبـــن عـمــه زهـيــر

حطني في مقبرة **(( عبس))** مروين الحراب

حطني بأعلى علم **(( عبس))** مروين الشطير

وان عـسـرك الـوقـت نـطـلـع ونـرجــع لـلـتـراب

ويــــــــارث الأرواح الألاه الأول والأخــــيــــر

اول الـدنـيـا طـــرب وأوســــط الـدنـيــا عــــذاب

وأخـرتـهـا الـمــوت والـقـبـر وحـســابٍ عـسـيـر

يـاجــزيــل الـمــلــك يــاكــافــل رزق الــنــيــاب

يـاإلاهــي مــــن عــذابــك بـرحـمـتـك أسـتـجـيـر

(هبت عواصيف)

هبت عواصيف الظلوع الهدافـي

وإخترت من وزن المعاني ثقيلـه

وأبدأ باسـم ربـي وأكمـل مطافـي

وأعـوذبــه وألـوذبــه وألتـجـيـلـه

ياعالـم الأسـرار ماعـنـك خـافـي

لجيـت لــك يـاعـز مــن نلتجيـلـه

أسئلـك ستـرك والعفـا والعوافـي

أسئلـك بأسمـاك الكـبـار الجليـلـه

الصبح أبا اواجهك عريان حافـي

دخيـل وجـهـك يامنـجـي دخيـلـه

فـي ليلـة فيـهـا فـراشـي لحـافـي

فـي منـزل سقفـه حـمـار النثيـلـه

ياواحد فضلك على الكون ضافي

يــارب وســع فـيـه ليـلـة نزيـلـه

أسئلـك تمـن روعتـي وإرتجافـي

أسئلـك مـا سـال اليديـن البخيـلـه

(سر ياقلم)

ســر ياقـلـم واكـتـب بــذوق ولـبـاقـه

ورحـب وهـل وخـل للحـبـر دوراق

رحــب بـخــط مـبـرزيـن الـصـداقـه

ماهـي صداقـت قـوم ملحـق ولحـاق

لـــوإن مـالــك بالمـشـاكـل عــلاقــه

عيبـاً لياهـش الخـوي نهـظـة الـسـاق

والبيـت نفـس البيـت سـتـره رواقــه

ودك يصيـر البيـت مستـور بــرواق

وانـا بلـشـت بـيـت صـعـب الغمـاقـه

عجزت لاكشف مدخله باي الاشنـاق

يالـيـت حـامـد حــط للـبـيـت طـاقــه

ان كان ريّح عيـد مـن عشـرة اطيـاق

لالا مـاظـنــة يـعـتــرف بـالـعـشـاقـه

لان المـحـبـة كـلـهـا هـــم واقــــلاق

قـد درت فـي بكـرا سريـعـن فـواقـه

دقـيـقـتـيـن ومـاتـعـداهــن افــــــواق

الصبـر جيـش إعـداك يـعـدم سبـاقـة

وبعد الظلام الشمـس تبـدا بالاشـراق

(يمـكـن عقـيـد الـقــوم يـلــغ اتـفـاقـه

ويرفع حضر منع التجول بالاسواق)

يقولـة الــي صـبـرت الـوقـت ذاقــه

تطعّـم الحلتـيـت فــي مــر الاريــاق

تعلـمـو فـيـنـي أصـدقــاي الـحـلاقـه

مغـرور غافـل وانتبـة عقـب مـافـاق

اغتـر فــي بـعـض العـلـوم الرقـاقـه

لـيـن راســة صـفـرة مــوس حــلاق

والله مـا انسـى مـن لحقـنـي طـراقـه

الله يلـعـن نــوب تحسـيـن الاخـــلاق

ابــعــد لــيــاأذاك الـرفـيــق بـنـفـاقـه

وشلون لو ماالله خلق( بعـد وفـراق)

اوسمتي · 21-Sep-2010, 10:36 PM

ابن نمش يعطيك الف عافيه على نقل هذه النوادر للشاعر عيد بس ياليت تنسق بشكل افضل من كذا ويتم تثبيتها لتكون واجهه لي منتدانا الرائع.

21-Sep-2010, 11:19 PM

شكرا الشاعرين وصح السان الشعراء ويعطيهم العافية

اوسمتي · 22-Sep-2010, 02:11 AM

ابن نمش

تسلم يمينك على هذه المقتطفات للشاعر الكبير / عيد ابن مربح ،
أبيات لا تحتاج الى شهادة أحد ، تداولها الناس و اعجبوا بها ،

تحياتي .

اوسمتي · 22-Sep-2010, 02:53 AM