طيرك وحش

اعجبتني هذه القصيدة ونقلتها لكم وارجو ان تنال
اعجابكم وهي
للشاعر هادي الرزقي




[frame="1 60"]
ياجار كانك طعتنـي برقـع الطيـر
طيرك وحش واقلوبنـا مستميتـه
لولاي رجلٍ من رجال بهـم خيـر
ماصد وأغض النظر مـن بخيتـه
ياجار طيرك كل ماعرّض اعصيـر
مـدري علامـه يلتفـت مادعيتـه
يمر كنّـه شـارد الصيـد لاذيـر
لابوه لابـو حـي حيّـه ، وميتـه
اغير,وانذر ، وانذر القوم ، واغير
وابيع روحـي ، وانهـزم لابغيتـه
يردّنـي ياجـار طبـعٍ لنـا غيـر
الجـار مانـدرج لغـرَات بيـتـه
يبقى على حشمه ، وشيمه ، وتقدير
ويـروح عنّـي بالـردى ماقفيتـه
من خوف شيِ مابعد صار ، ويصير
يمّا هدمـت البيـت ، والاّ بنيتـه
بعدٍ عـن الهيّـن معـزّه وتوقيـر
ورجمٍ على غيـر النقـا مابديتـه
يحدنـي يـم الخطـا دون تبريـر
اللـي بلانـي بالهـوى ، مابليتـه
وانا بشر منـي خطايـا وتقصيـر
الله يغفـر كـل ذنــبٍ جنيـتـه...
[/frame]
ولكم تحياتي

صح لسان الشاعر ويعطيك العافيه على اختير هذي القصيده

ابوعلي المهيمزي
مرورك يشرفني

شباب الذيب

مشكور على نقل هذه الأبيات الرائعة و الراقية ،

تحياتي لك .

صح لسان شاعرها وسلمت يمين ناقلها

تقبلني كما انا

شكراالك علي النقل البيا ت الراقية

صح لسانك