عبدالله رجاء العنزي وقصة العين والياء

صوت الهوا ذيباً تعالى بالاجواء
لاصارت ارياح الهوا من شبابيك

صوته يخوف والمفارق له اصداء
ورد الجزا طبع الجفى مانجازيك

طعنْت حبيبك صوتها بكل الارجاء
طعنه تنادي طعنتي كلها فيك

وشحيلت المفتون والحب باغواء
تعلقت مشاعره في معاليك

الله حسيبك كان ودي لك ارضاء
بعت الذي باحساس دمه يغذيك

حتى القمر يامنوتي ماله اضواء
اثر القمر في طلته كان يطريك

يلي كتبت بداخلي كل الاسماء
ماضنتي تلقى صدوقاً يداريك

ويلي كتبت بدنيتي كل الاشياء
اصبر على قلباً يودك ويشريك

لوقالو العذال من كل الانباء
تسمع كلام الغير والغير يهفيك

انا الوفا في رحلت(ن) كلها اخطاء
وانت الجفى يامنوتي كيف نشكيك

انا احبك لعنبو حب الاغماء
حباً تجلى في سماْ روح مغليك

هذي حقيقة قصة العين والياء
وثقتها وارسلتها دون تشكيك

انا الوفا في رحلت(ن) كلها اخطاء
وانت الجفى يامنوتي كيف نشكيك



شاكر لك اخي على القصيده الرائعه
وصح لسان شاعرها
ذائقه رائعه جدا
واتمنى استمرارك بقوه كما بدئت