مساعد الرشيدي وخلف المشعااان

[poem=font="Simplified Arabic,6,royalblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ياوطنا دامت أعيادك=كل عام وكلنا دونك

الفخر يقدح من زنادك=والرخا يورق من غصونك

والمدى يستلهم أبعادك=والندى يقصر من لحونك

يوم جينا نكتب شدادك=والقلوب تقول ياعونك

القصايد يوم ميلادك=يوم شافتهم يهنونك

جت تخطى فوق سجادك=وريعت في صدر مضنونك

ومن غلاك وشيمة أمجادك=تنحني وتقبل متونك

ضم صدري ضم رعادك=لالوى برقه على ردونك

لين يروى من تنهادك=ياعساني فدوة مزونك

ياوطن يسعد لي بلادك=فدوتك من لايودونك

من يخون بملحك وزادك=خان ربه قبل لايخونك

قم تنقى وألحق افرادك=بالعيال اللي يعجبونك

ماخلق من يكسر عنادك=والخوارج مايهزونك

اعثر الله حظ حسادك=لعنبوهم مايعرفونك

مادروا عن سيرة امجادك=وماأستشفوا عقد مضمونك

قادوا الظلما لميعادك=وأكتسحهم نور مكنونك

وفجروك وشفت مرقادك=جرة القمرا على جفونك

كل هذا الحسن ببلادك=وكل هذا الكون ممنونك

ماتبى شاعر من بلادك=يعشقك ويصير مجنونك[/poem]

مساعد الرشيدي





bkimage="" border="none,4,gray" type=2 line=0 align=center use=ex num="0,black""]

[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
اليوم انا مساعد .. مهو مساعد اليوم=حتى ولو ماكان .. إسمي مساعد

لن الحقيقه ماعلى هاجسي لــوم=لا اصطكت افكاره .. وقام يتراعد

اقوم واقعد وافرك ايدي واقوم=البارحه مابين .. قايم وقاعد

عينِ ترف وعين تشنف عن النوم=كل مااجتمع شمل الجفون يتباعد

الحرف ضيف وعند الاحباب معزوم=يقطعك ضيفٍ مايهز المقاعد

الليله الليله مكلف وملزوم=في وقفةٍ تكسر جميع القواعد

ماهي صراع اجيال ومناشط عزوم=ومافيه لاكوكب .. ولانجم صــاعد

الشعر ماهو فارسٍ ينطح القوم=الشعر فكرٍ .....مستحيل يتقاعد

قولو لمن يبغى عن علومنا علوم=الشعر نخله والسيوف السواعد

اليوم انا مساعد مهو مساعد اليوم=هو كبتن الرحله وانا اللي مساعد[/poem]

خلف المشعااان

صح الله لسان الشاعر مساعد الرشيدي

وصح الله لسان الشاعر خلف المشعان

شعراء لهم بصمتهم بالشعر وغنيين عن التعربف

امسية اجمعتهم في المدينه المنوره في رابع الاعيااااد

وكانت امسيه من انحج الامسيات بالحضور

رياض

نقل رائع

كن بخيرا

بدوي فاااهم

صح لسان الشعراء وهم شعراء غنيين عن التعريف
ومشكور على النقل لاهنت

رياض الرشيدي

انتقاء رائع وحضور مميز

واختيار موفق
ارق تحيه

صح لسان الشاعرين ومشكور رياض على التغطية الرائعة لاهنت على الابداع .

يسلمووووووووو

الجميع

على المروووووور

صح لسان الشاعرين ومشكور رياض على التغطية الرائعة لاهنت على الابداع .