مر بخيالي موقفٍ كل مأطريه=أسأل وش اللي من بطى الوقت جابه؟

إليكم رواد هذا الصرح الشامخ..

والعامر بتواجدكم..

جديدي:



مر بخيالي موقفٍ كل مأطريه=أسأل وش اللي من بطى الوقت جابه؟
يزداد بحسابي من العمر مقفية=وهو يتجدد ي خيالي شبابه
رغم إن غيره لا تقافت لياليه=من البطى تقل يتطارد سرابه
غالٍ على نفسي ومن غلو راعيه=حتى غيابه له بعيني مهابه
إن غاب يشفع له معي حلو ماضيه=وإن حضر نساني ليالي غيابه
ما غيرن سود الليالي مباديه=ولا دنسن سود النوايا ثيابه
له حق ولمثله عليّه مشاريه=وأبي رضاه بما يليق بجنابه
أحيان لا ضاقت بي الأرض أناديه=وألقاه لإحساسي سريع إستجابه
الغايب الحاضر إليا حل طاريه=وأمطر على عروقٍ ظمت له سحابه
يضيع به وصفي لكنه كتشبيه:="كن الزمن شح بسواه . . . وسخاء به"!

ما غيرن سود الليالي مباديه=ولا دنسن سود النوايا ثيابه


محامي عبس

صح لسانك وعلا شانك

يوسف
صح السانك
كلمات جميله وجزله
من شاعر جزل

لا تحرمنا جديدك


تحياتي وخالص تقديري وحترامي

يوسف شلاح

صح لسانك و طاب وجدانك ، أبيات رائعة من شاعر متمكن ،

تقبل مروري .

قصيده جزله من شاااعر جزل تقبل مروري

صح السانك وعلا شانك قصيده جزله

يوسف
صح السانك
قصيد ه جزله
من شاعر جزل