الوفا والطيب والعز من طبـع الرجـال = والتغلي والغلا والدلـع طبـع الحريـم

[poem=font="simplified arabic,5,black,normal,normal" bkcolor="transparent" bkimage="" border="none,4,gray" type=0 line=1 align=center use=ex num="0,black""]
يالله التوفيق والستر والـرزق الحـلال = والتمسـك بالهدايـه وبالـراي الحكيـم

وبالجناب السمح والصدق وعلوم الرجال = وخوة الطيب وممشى الطريق المستقيـم

كل هذي كنها الكيف من صفر الـدلال = وكنها البـراق لا لااح فالليـل العتيـم

لاشموخ الا شموخٍ مثـل شـم الجبـال = ولا نديـم الا نديـمٍ مهـوب اي نديـم

من تنصى طيب الراس يبشر بالجـزال = ماله الا اللي يرد البرى عنـد الخصيـم

ومن تنصى بارد الراس يبشر بالهـزال = راح له حاله سقيم ورجع حالـه سقيـم

احدٍ لاجيت صوبه وقال الشـي طـال = واحدٍ لاجيت صوبه يزيد الضيم ضيـم

ليت مالي كثر مال الوليد ابـن طـلال = كان عيشـت الفقـارى بجنـات النعيـم

صح انا شاعر والى جيب للشاعر مجال = قالوا ان الشاعر يهيـم فالـوادي يهيـم

افتخر فالشطـر الاول وفالثانـي مثـال = والعقل ياهل العقل قيل فالجسم السليـم

غير انا مانيب طيب ولا ذالحـال حـال = ابتدابي جرح زودٍ على الجـرح القديـم

عزتـي للـي سواتـي بهمـه لايـزال = والله اللي يعلم الحـال والله بـي عليـم

كل ماوجهت واحـد يوجهلـي سـوال = وش بلا حالك ياسالم مسوي لك رجيـم

ناس فالدنيا يعيشون في بـرد وظِـلال = وناس فالدنيا ولكـن يصالـون الجحيـم

يالله اني مستعيذك من ادروب الظـلال = احمني يالله مـن كـل شيطـانٍ رجيـم

ذنبي اني صرت طيب وطيبي راس مال = لين صرت اشوف نفسي على الدنيا يتيم

كثر حكي الناس عني وانا ياهـم الا ل = اتغيشـم واتغيشـم وان مانـي غشيـم

يااولو الالباب وان كان جابولي مجـال = يااولو الالباب فل يتقـوا شـر الحليـم

يالهجوس اللي نويتي تشديـن الرحـال = وين قولي وين والشعر في صدري مقيم

والله اني كل ماضقـت ذبيـت الطـوال = ماتسمع في عبـادي ولا عبـد الكريـم

والقصيد احيان ياتيك من وحي الخيـال = غير انا صادق ليـا قلـت والله العظيـم

وانت ياللي يوم جيتك وانا كلي وصـال = والله انـه مايـرد الكريـم الا الئـيـم

انتبهلـي واستمعلـي و سجـل مايقـال = واعرف ان الجو صافي ولا فالجو غيم

اعتبرها نصـح والفـال يتـلاه العقـال = وكلمة العاقل ليا جات جاتـك فالصميـم

الوفا والطيب والعز من طبـع الرجـال = والتغلي والغلا والدلـع طبـع الحريـم


ســالــم بــــن جـخــيــر

[/[/poem]

المجد فعل يمناي

صح الله لسانك واعتلى شانك

قصيده فيها من الابداع نصيب الاسد

دمت بود

رياض

صح الله لسانك واعتلى شانك

احدٍ لاجيت صوبه وقال الشـي طـال
واحدٍ لاجيت صوبه يزيد الضيم ضيـم
ليت مالي كثر مال الوليد ابـن طـلال
كان عيشـت الفقـارى بجنـات النعيـم

.
.
.
صح لسآآآآآآآنه وصح نقلك ... اختيآر ينم عن ذآئقه رآئعه !!
.
.
تقبل مروري : عجآيب

صح لسانك
دمت ودام قلمك

صح لسانك ومشكور اخوي على القصيده الرائعه..تقبلو تحياتي جميعا.. تقبل مروري اخوي <^